തീവ്രവാദികളുടെ ഇസ്ലാം ആണ് യഥാർത്ഥ ഇസ്ലാം. മുസ്ലിംകളുടെ ഇസ്ലാം കപട ഇസ്ലാം.

Introduction:
തീവ്രവാദികളുടെ ഇസ്ലാം ആണ് യഥാർത്ഥ ഇസ്ലാം.
മുസ്ലിംകളുടെ ഇസ്ലാം കപട ഇസ്ലാം.
നാളുകൾ ആയി ക്രൈസ്തവ മിഷനറികൾ കൊട്ടി നടക്കുന്ന ഒരു ആരോപണം ആണിത്. ഏതെങ്കിലും മുസ്ലിം നാമം പേറുന്നവനോ അല്ലെങ്കിൽ കോയ ലേബലിൽ ഉള്ള ഏതെങ്കിലും ഗ്രൂപ്പോ തോക്ക് എടുക്കുന്നോ കത്തി എടുക്കുന്നോ ബോംബ് പൊട്ടിക്കുന്നുണ്ടോ  എന്ന് നോക്കി നടക്കൽ ആണ് ഇന്നിവരുടെ പ്രധാന ജോലി. അങ്ങനെ എന്തെങ്കിലും തുമ്പു കിട്ടുന്ന നിമിഷം ഇവർ അത് ഉരുട്ടി തള്ളി തരും. കണ്ടോ ഇസ്ലാമിക ഭീകരത. മുഹമ്മദിന്റെ അധ്യാപനം.!!


അതായത് അവർ ചെയ്യുന്ന ഏതു മ്ലേച്ചവും ക്രൂരവും
മനുഷ്യത്വരഹിതവുമായ പ്രവർത്തനങ്ങളെയും ഇസ്ലാമിന്റെ അകൗണ്ടിൽ വരവ് വെക്കുക, അതാണ് ഇസ്ലാം എന്ന് ആരോപിക്കുക,  അവരുടെ പ്രവർത്തനങ്ങൾക്ക് ഇസ്ലാമിക പ്രമാണങ്ങളിൽ
തെളിവ് ചികയുക, പ്രമാണങ്ങളെ ദുർവ്യാഖ്യാനം ചെയ്യുക,  അത് അല്ല ഇസ്ലാം
എന്നും യഥാർത്ഥ ഇസ്ലാം അങ്ങനെ അല്ല എന്നും പ്രമാണബന്ധമായി  സമർഥിക്കുകകയും ഇസ്ലാമിന്റെ പേരിൽ ഭീകരവാദികൾ ചെയ്തു കൂട്ടുന്ന പ്രവർത്തികളെ അപലപിക്കുകയും ചെയ്യുന്ന ലോക മുസ്ലിം മജോറിറ്റിയുടെ പ്രവർത്തനങ്ങളെയും അധ്യാപനങ്ങളെയും കണ്ടില്ല എന്ന് നടിക്കുക,
പുച്ഛിച്ചു തള്ളുക, എന്നിട്ട് ഒരു ശതമാനതിൽ താഴെ മാത്രം വരുന്ന മുസ്ലിം തീവ്രവാദികളുടെ ദുർവ്യാഖ്യാനങ്ങളെയും ചെയ്തികളെയും യഥാർത്ഥ ഇസ്ലാമായി അംഗീകരിക്കുകയും പ്രചരിപ്പിക്കുകയും ചെയ്യുക...
ഇത്യാദി പ്രവർത്തനങ്ങൾ ആണ് അങ്ങനെ എങ്കിലും
തങ്ങളുടെ മതത്തിൽ നിന്നും ഇസ്ലാമിലേക്ക് ഉള്ള ഒഴുക്ക് കുറഞ്ഞാലോ എന്ന "വ്യാ" മോഹത്തിലും
അതിലുപരി ഇസ്ലാമിനോടും അതിന്റെ അവസാന പ്രവാചകൻ ആയ മുഹമ്മദ്‌ നബിയോടും  ഉള്ള അമർഷത്തിലും മണ്ടശിരോമണികളോ കപടന്മാരോ ആയ മിഷനറികൾ നാളുകൾ ആയി ചെയ്തു കൊണ്ടിരിക്കുന്നത്.

യഥാർത്ഥത്തിൽ ഇവർ ഇസ്ലാമിനെ ഏത് വിധവും നഖശിഖാന്തം എതിർക്കുക എന്ന ഉദ്ദേശത്തിൽ ചെയ്യന്നത് തീവ്രവാദികൾക്ക് കുട പിടിച്ചു കൊടുക്കുന്ന പരിപാടി  ആണ്.
ഇന്ന് നിലവിൽ സമാധാനപരമായി നില നിൽക്കുന്ന
ഇസ്ലാമിക അധ്യാപനങ്ങൾ പിന്പറ്റുന്ന ഭൂരിപക്ഷം വരുന്ന മുസ്ലിംകളെ ഒന്നാകെ അവഗണിച് കൊണ്ട്
ഭീകരത സൃഷ്ടിക്കുന്നവരെ ചൂണ്ടി കാട്ടി  അവരാണ് യഥാർത്ഥ ഇസ്ലാമിന്റെ വക്താക്കൾ എന്ന് പ്രചരിപ്പിക്കുക വഴി അത് തീവ്രവാദികൾക്ക് പ്രചോദനവും ന്യായീകരണവും ആകുകയും
അത് വഴി പ്രശ്നം കൂടുതൽ സങ്കീർണമാകുകയുമാണ് ചെയ്യുന്നത്.
ചുരുക്കി പറഞ്ഞാൽ ഇവർ തീവ്രവാദികളുടെ പ്രവർത്തനങ്ങളെ അപലപിക്കുക
എന്നതിൽ ഉപരി..
തീവ്രവാദികൾ ചെയ്യുന്നത് എല്ലാം "ഇസ്ലാമികമാണ്" എന്ന് വരുത്തി തീർക്കാൻ ആണ് വെമ്പൽ കൊള്ളുന്നത്.
ഇത് ഒരിക്കലും തീവ്രവാദികൾക്ക് പ്രതികൂലമാകില്ല
അനുകൂലമെയാകു.

ഇനി..മിഷനറികൾ ഇത്തരത്തിൽ തീവ്രവാദികൾക്ക് കുട പിടിച്ചു കൊടുക്കുന്നത് യഥാർത്ഥ ഇസ്ലാമിനെയും മുസ്ലിംകളെയും ലോകം വെറുക്കാനും അത് വഴി ഇസ്ലാമിന്റെ വളർച്ചക്ക് തടയിടാനും ആണ് എങ്കിൽ അത് ഒരിക്കലും നടക്കാനും പോകുന്നില്ല.

ഖുർആൻ പറഞ്ഞ പോലെ...

(Holy Quran 9:32)
അവർ അവരുടെ വായ കൊണ്ട് അല്ലാഹുവിന്റെ പ്രകാശത്തെ ഊതി കെടുത്താം എന്ന് ആഗ്രഹിക്കുന്നു.
എന്നാൽ അല്ലാഹുവാകട്ടെ തന്റെ പ്രകാശം പൂർണ്ണമാകാതെ സമ്മതിക്കുകയില്ല.സത്യത്തിന്റെ നിഷേധികൾക്ക് അത് എത്ര അനിഷ്ടകരമായാലും ശരി. 

ചുരുക്കത്തിൽ മിഷനറികളുടെ ഈ കലക്ക വെള്ളത്തിൽ മീൻ പിടിക്കാൻ ഉള്ള പരിപാടി തീവ്രവാദികളെ ഇല്ലായ്മ ചെയ്യാനല്ല അവരെ സൃഷ്ടിക്കാനെ ഉതകൂ എന്നർത്ഥം. മാത്രം അല്ല
യഥാർത്ഥ ഇസ്ലാമിനെ മിഷനറികൾടെയും താല്പര കക്ഷികളുടെയും കുപ്രചാരണങ്ങൾക്ക് ഇല്ലായ്മ ചെയ്യാനും സാധ്യമല്ല. അത് കൊണ്ടാണല്ലോ ഇസ്ലാം ഭീതി സൃഷ്ടിക്കുന്ന ഇസ്ലാമോഫോബിയയുടെ കേന്ദ്രമായ യുറോപ്യൻ -അമേരിക്കൻ രാഷ്ട്രങ്ങളിൽ തന്നെ ഇസ്ലാം അതിന്റെ മുന്നേറ്റം തുടരുന്നത്.



പ്രമാണവായനയും ദുർവ്യാഖ്യാനവും 
_________________________________________

പ്രധാനപെട്ട ഒരു വിഷയം ആണിത്.
അതായത് തീവ്രവാദികൾ തങ്ങൾടെ വൃത്തികെട്ട പ്രവർത്തനങ്ങൾ ന്യായീകരിക്കാൻ പ്രമാണങ്ങളെ കൂട്ട് പിടിക്കുന്നു  എന്നത്.
ISIS പോലുള്ള ഒരു മനുഷ്യത്വരഹിതമായ ഗ്രൂപ്പ്കളിലേക് കേരളത്തിൽ നിന്നും പോലും ആളുകൾ ഇറങ്ങി പുറപ്പെടുന്നത് എന്ത് കൊണ്ട് എന്നതിന്റെ കൂടി ഉത്തരം ആണ് പ്രമാണങ്ങളുടെ ദുർവ്യാഖ്യാനം.
പൊതുജന മധ്യത്തിൽ ഇസ്ലാമികം എന്ന് ജനം കരുതി പോരുന്ന വേഷഭൂഷാധികളും ചിഹ്നങ്ങളും ആയി ഒരു വിഭാഗം ആളുകൾ പ്രത്യക്ഷപ്പെടുക, ഖുർആൻ വചനങ്ങൾ ഉരുവിടുക. എന്നിട്ട് ഉള്ള കണ്ട വൃത്തികെട്ട പ്രവർത്തനങ്ങൾ നടത്തുക. പ്രമാണങ്ങളെ കുറിച്ച് ഉള്ള അറിവില്ലായ്മ മൂലം ഒരു വിഭാഗം അവരെ ഇസ്ലാമായി തെറ്റിധരിക്കുന്നു. എന്നാൽ മറ്റുള്ളവരെ സംബന്ധിച്ച്  അവരുടെ പ്രവർത്തനങ്ങൾക്ക് ഇസ്ലാമികമായി യാതൊരു ന്യായീകരണവും ഇല്ല.   ഇത്തരക്കാരുമായി ദാർഷനികമായി പിടിച്ചു നിൽക്കാനും കൂട്ടത്തിൽ ഉള്ളവർക്ക് സംശയം ജനിക്കാതെ നോക്കുന്നതിനും  വേണ്ടി തീവ്രചിന്തകർ പ്രമാണങ്ങളിൽ ചികയുന്നു.
തങ്ങളുടെ പ്രവർത്തനങ്ങൾക്ക് പ്രമാണങ്ങളിൽ ദുർവ്യാഖ്യാനം നടത്തുന്നു. ഇങ്ങനെ തന്നെ ആണ്
ലോകത്തിലെ ഏതു മത തീവ്രവാദ ഗ്രൂപ്പ്കളും തങ്ങളെ ന്യായീകരിക്കാൻ ശ്രമിച്ചിട്ടുള്ളത്.
ഇസ്ലാമിക തീവ്രവാദികളും ചെയ്യുന്നതും ഇത് തന്നെ ആണ്.
ഇവരുടെ ഈ ദുർവ്യാഖ്യാനങ്ങളിൽ കുടുങ്ങിയും ആകൃഷ്ടരായും പലരും തങ്ങളുടെ ജീവിതവും അപരന്റെ ജീവിതവും ഇത്തരം തീവ്രവാദ ഗ്രൂപ്പിൽ കൊണ്ട് പോയി ഹോമിക്കുന്നുണ്ട് എന്നത് ശരി ആണ്. അതിനു യഥാർത്ഥ ഇസ്ലാമും മുസ്ലിങ്ങളും എന്ത് പിഴച്ചു?
ഇങ്ങനെ ദുർവ്യാഖ്യാനങ്ങളിൽ കുടുങ്ങുന്നവരെയും ആകൃഷ്ടരാകുന്നവരെയും  യഥാർത്ഥ പ്രമാണ വായനയിലേക്ക് നയിക്കാൻ ശ്രമിക്കുന്ന മുസ്ലിങ്ങളെ കപടന്മാരായും...
തീവ്രവാദികളെയും അവരുടെ പ്രമാണ വായനയെയും യഥാർത്ഥ ഇസ്ലാം ആയും പ്രചരിപ്പിക്കാൻ ശ്രമിക്കുന്ന മിഷനറി പ്രവർത്തനങ്ങൾ വിപരീത ഫലമെ ഉണ്ടാക്കൂ എന്ന് നേരത്തെ പറഞ്ഞത് അത് കൊണ്ടാണ്.
മാത്രം അല്ല ഒരഭിപ്രായത്തിൽ തീവ്രവാദികൾ പോലും ചികഞ്ഞു എടുക്കാത്ത ദുർവ്യാഖ്യാനങ്ങൾ ഉറക്കം ഇളച്ചു കണ്ടെത്തി തീവ്രവാദ പ്രവർത്തനങ്ങളെ ഇസ്ലാമിലേക്ക് വരവ് വെക്കാൻ ചട്ടം കെട്ടി ഇറങ്ങിയ മിഷനറികൾ ഉണ്ട് എന്നതാണ് സത്യം. മിഷ്നറി ട്രൂപ്പ് ആയ സാക്ഷി അപ്പോളജെറ്റികിലെ  അനിൽ കുമാർ അയ്യപ്പൻന്റെ
അത്തരം ചില "വരവ് വെക്കലലുകൾ"  അവരുടെ  വെബ്സൈറ്റ്കളിൽ  വായിക്കാം.
മിക്കപ്പോഴും മതം പ്രശ്നത്തിന്റെ അടിസ്ഥാന കാരണം അല്ല, തങ്ങളുടെ ഇംഗിതത്തിനു വേണ്ടി ദുഷ്ട ലക്ഷ്യം ഉള്ളവർ മതത്തെ ദുരുപയോഗം ചെയ്യുകയാണ്.
പ്രശ്നത്തിന്റെ അടിസ്ഥാന കാരണം അല്ല എന്ന് മാത്രം അല്ല, പരിഹാരത്തിന്റെ മാർഗ രേഖ നിർദ്ദേശിക്കാനും ശരിയാം വിധം വ്യാഖ്യാനിക്കപ്പെട്ട മതത്തിനു കഴിയും എന്ന് കൂടി ഓർക്കുക. അത്തരം ശ്രമങ്ങളെ കൂടി തടസ്സപ്പെടുത്തുകയാണ് കലക്ക വെള്ളത്തിൽ മീൻ കിട്ടുമോ എന്ന് നോക്കുന്ന മിഷനറികൾ.



പ്രമാണങ്ങളുടെ ദുർവ്യാഖ്യാനം ഇസ്ലാമിന്റെ മാത്രം പ്രശ്നമോ? 
________________________________

അല്ല. എല്ലാ മതങ്ങളും വേദ ഗ്രന്ഥങ്ങളും ദുർവ്യാഖ്യാനങ്ങൾക്ക് വിധേയമായിട്ടുണ്ട്. എന്നാൽ ഈ വസ്തുത മറച്ചു പിടിച്ചു ഇസ്ലാമിൽ മാത്രം ആണ് ഇങ്ങനെ എന്ന് ആരോപിക്കാൻ മിഷനറികൾക്ക് യാതൊരു വിധ ഉളുപ്പും ഇല്ല എന്നതാണ് സത്യം.
അത് അല്ലെങ്കിൽ ഇസ്ലാം അല്ലാത്ത മറ്റു ഇതര
ആദർഷങ്ങളിലെ പ്രമാണങ്ങൾ ദുർവ്യാഖ്യാനിച്ചു അവരുടെ ആളുകൾ നടത്തുന്ന/നടത്തിയ കുഴപ്പങ്ങളും ക്രൂരതകളും
ആ ആദർഷങ്ങളുടെയോ പ്രമാണങ്ങളുടെയോ കുഴപ്പം അല്ല എന്നും മറിച്ചു ആ ദുർവ്യാഖ്യാനങ്ങൾ ആണ് കാരണം എന്നും വാദിക്കുന്നവർ
ഇസ്ലാമിന്റെ കാര്യത്തിൽ സകല പ്രശ്നങ്ങൾക്കും കാരണം ഇസ്ലാം ആണ് എന്ന് തുറന്നടിക്കുന്നതിന്റെ മനശാസ്ത്രം അന്ധമായ ഇസ്ലാം വിരോധവും വിധ്വേഷവും അല്ലാതെ മറ്റൊന്നും അല്ല.



ക്രിസ്തുമതവും ബൈബിളും ദുർവ്യാഖ്യാനം ചെയ്യപ്പെട്ടിട്ടില്ലേ ?
ക്രൈസ്തവ തീവ്രവാദികൾ നടത്തിയ കൂട്ടകൊലകളും ക്രൂരതതകളും ബൈബിളിലേക്ക് വരവ് വെക്കപ്പെട്ടിട്ടില്ലേ? ക്രിസ്ത്യൻ തീവ്രവാദികൾ തങ്ങളുടെ വൃത്തികേടുകളെ ബൈബിൾ കൊണ്ട് ന്യായീകരിചിട്ടില്ലേ? 
__________________________________

തീർച്ചയായും ഉണ്ട്. പക്ഷെ മിഷനറികൾ അത് സംബന്ധിച്ച് മിണ്ടില്ല.
അങ്ങനെ തീവ്രവാദികൾ അവരുടെ പ്രവർത്തങ്ങൾക്ക് ബൈബിൾനെ പ്രമാണം ആക്കിയത് മൂലം ബൈബിൾ ആണ് സകല പ്രശ്നങ്ങൾക്കും കാരണം എന്ന് ഇവർ എന്ന് എങ്കിലും പറഞ്ഞു കേട്ടിട്ടുണ്ടോ ?
പറയില്ല. അതാണ് ഇരട്ടത്താപ്പ്.
എന്നാൽ ഇവരിൽ ചിലർ തള്ളി വിടുന്നത് ക്രിസ്തു മതത്തിന്റെ അനുയായികൾ എന്ന് പറയുന്നവർ മതത്തിന്റെ ബാനറിൽ  യാതൊരു കൂട്ട കൊലകളും  ആക്രമണങ്ങളും ലോകത്തു നടത്തിയിട്ടില്ല എന്നും
ഉണ്ട് എങ്കിൽ തന്നെ അതൊക്കെ രാഷ്ട്രീയമായ കാരണങ്ങൾ മാത്രം ആയിരുന്നു എന്നും മതം അതിലേക്കു വലിചിഴക്കപ്പെടുന്നില്ല എന്നും ഒക്കെ ആണ്. യുറോപ്യർ നടത്തിയ പടയോട്ടങ്ങളും കൂട്ടകൊലകളും എല്ലാം രാഷ്ട്രീയവും സാമൂഹികവും സാമ്പത്തികവുമായ ആവശ്യങ്ങൾക്ക് ആയിരുന്നു എന്ന് അടച്ചു പറയാൻ ആകില്ല എങ്കിലും ഭൂരിഭാഗവും അതിനൊക്കെ തന്നെ ആയിരുന്നു. എന്നാൽ ഇതിൽ ക്രിസ്തു മതവും വേദവാക്യങ്ങളും കടന്നു വന്നിട്ടില്ല എന്ന് പറയുന്നത് ശുദ്ധ വിവരക്കേട് ആണ്. മുതലാളിത്തത്തിന്റെ വ്യവസ്ഥാപിതമായ കോളോണിയൽ മോഹങ്ങൾക്കും അധികാര താല്പര്യങ്ങൾക്കും വേണ്ടി തീർച്ചയായും മതം ദുരുപയോഗം ചെയ്യപ്പെട്ടിട്ടുണ്ട്. അതാണ് പറഞ്ഞത്
മിക്കപ്പോഴും മതം പ്രശ്നത്തിന്റെ അടിസ്ഥാന കാരണം അല്ല, തങ്ങളുടെ ഇംഗിതത്തിനു വേണ്ടി ദുഷ്ട ലക്ഷ്യം ഉള്ളവർ മതത്തെ ദുരുപയോഗം ചെയ്യുകയാണ് എന്ന്.
എന്നാൽ ഇസ്ലാമിന്റെ കാര്യം വരുമ്പോൾ മിഷനറികൾ
സൗകര്യം പോലെ ഈ വസ്തുത വിസ്മരിച്ചു കളയും എന്ന് മാത്രം. അത് കൊണ്ട് നമുക്ക് ഇവരെ കുറച്ചു കാര്യങ്ങൾ ഓർമപ്പെടുത്താം.


അവസരങ്ങളെ തങ്ങളുടെ ആവശ്യത്തിനു അനുസരിച്ചു ഉപയോഗിക്കാൻ ഇരുട്ടിന്റെ ശക്തികൾ ഒരിക്കലും മടിച്ചു നിന്നിട്ട് ഇല്ല എന്നതിന്റെ ഉദാഹരണം ആണ്
ബൈബിൾ ഉപയോഗിച്ച് ഇസ്രായേൽന്റെ പുനർസ്ഥാപനതിന് ന്യായീകരണം കണ്ടെത്തുന്ന ഇസ്രായേൽന്റെ ആദ്യ പ്രൈം മിനിസ്റ്റർ ആയ ഡേവിഡ് ബെന് -ഗൂറിയനെയും, ഇസ്രായേലി പൊളിറ്റിഷ്യനും ആറാമത് പ്രൈം മിനിസ്റ്ററും ആയി തീര്ന്ന
മേനച്ചം മെബഗിനെയും പോലുള്ള അവിശ്വാസികൾ.
ഇവരുടെ പൂർവികർ 11 മുതൽ 12 വരെയുള്ള നൂറ്റാണ്ട്കളിൽ നടന്ന "കുരിശു യുദ്ധവേളയിൽ" പോലും ഇസ്രായേൽ എന്ന അവകാശ വാദം
ഉന്നയിച്ചിട്ടില്ല എന്ന് ഓർക്കണം.
കൊളോണിയൽ താല്പര്യക്കാരുടെ ലക്ഷ്യ സാക്ഷാത്കാരതിന് "സയണിസം" എന്ന മത സൂചനയുള്ള കാർഡ് ഇറക്കി കളിക്കുകയായിരുന്നു അവർ.

ഇത്തരത്തിൽ വേദഗ്രന്ഥങ്ങൾ വളച്ചു ഒടിക്കുന്നവരുടെ ദുഷ്ടലക്ഷ്യങ്ങളിലേക്ക് വിശുദ്ധ ഖുർആൻ സൂചന തരുന്നുണ്ട്.

 (Holy Quran 3:7)
" മനസ്സുകളിൽ വക്രതയുള്ളവർ കുഴപ്പം ഉണ്ടാക്കാൻ ഉദ്ദേശിച് കൊണ്ടും ദുർവ്യാഖ്യാനം നടത്താൻ ആഗ്രഹിച്ചു കൊണ്ടും ഖണ്ടിതമല്ലാത്ത വചനങ്ങളെ പിന്തുടരുന്നു.

മനുഷ്യനെ അടിമകൾ ആക്കാനും അംഗ വിഛ്ചേദനം
നടത്താനും പണം കൊടുത്തു ഭാര്യയെ വാങ്ങാനും കൂട്ടകുരുതിക്കും ബൈബിൾ പരാമർശങ്ങൾ ഉപയോഗപ്പെട്ടതായി നവയുക്തിവാദത്തിന്റെ നേതാവ് ക്രിസ്റ്റോഫർ ഹൈക്കൻസ് അദ്ദേഹത്തിന്റെ
God is not Great,എന്ന കൃതിയിൽ പറയുന്നു.
[1] 

അത് കൊണ്ട് ബൈബിൾ നിരോധിക്കണം എന്നും
ബൈബിൾ ആണ് അതിനൊക്കെ കാരണം എന്നും മിഷ്നറികൾ പറയുമോ?


ഭൂമിയില്‍ സമാധാനമാണു ഞാന്‍ കൊണ്ടുവന്നിരിക്കുന്നത്‌ എന്നു നിങ്ങള്‍ വിചാരിക്കരുത്‌; സമാധാനമല്ല, വാളാണു ഞാന്‍ കൊണ്ടുവന്നിരിക്കുന്നത്‌.
(മത്തായി 10 : 34) 
എന്ന പുതിയ നിയമത്തിലെ യേശു ക്രിസ്തുവിന്റെതായി ഉദ്ധരിക്കപെടുന്ന വാക്യം ക്രൈസ്തവവർക്ക് 
ആയുധം എടുക്കാൻ ഉള്ള ന്യായീകരണം ആയി വ്യാഖ്യാനിക്കപ്പെട്ടു എന്ന് 
എഴുത്തുകാരനും റിലീജിയസ് സ്റ്റഡിസിൽ പണ്ഡിതനുമായ Mark Juergensmeyer 
അദ്ദേഹത്തിന്റെ Terror in the Mind of God,എന്ന പുസ്തകത്തിൽ പറയുന്നു. [2] 

അത് കൊണ്ട് ബൈബിൾ നിരോധിക്കണം എന്നും യേശു ക്രിസ്തു ആണ് അതിനൊക്കെ കാരണം എന്നും മിഷനറികൾ പറയുമോ?

AD-1095 ൽ അന്നത്തെ പോപ്പ് ആയിരുന്ന അർബൻ രണ്ടാമനാണ്(1088-1099) കുരിശു യുദ്ധതിന് ഓർഡർ കൊടുത്തത്. ഒന്നാം കുരിശു യുദ്ധത്തിൽ മസ്ജിദ്കളിലും സിനഗോഗുകളിലും അഭയം തേടിയ മുസ്ലിംകളെയും ജൂതൻമാരെയും ഒന്നടങ്കം കൊല്ലാൻ കുരിശു പോരാളികൾക്ക് മടിയുണ്ടായില്ല.

അത് പോലെ തന്നെ ഒലിവർ ക്രോംവെൽ (1599-1658) അയർലാൻഡ് പിടിച്ചപ്പോൾ നടത്തിയ കത്തോലിക്ക നരഹത്യക്ക് ബൈബിൾ പഴയ നിയമത്തിലെ ജോശ്വ പ്രവാചകൻന്റെ ചെയ്തികളും 
ജെറീക്കോ യുദ്ധതെ കുറിച്ച് ഉള്ള പ്രതിപാദനങ്ങളും 
ന്യായീകരണം ആയി ഉദ്ധരിക്കപ്പെട്ടതായി വാഷിംഗ്‌ട്ടൻ യൂണിവേഴ്സിറ്റിയിൽ ഇന്റർനാഷണൽ സ്‌റ്റഡീസ്‌ വിഭാഗം പ്രൊഫസർ ആയ
Daniel Chirot അദ്ദേഹത്തിന്റെ
"Why Some Wars Became Genocidal
and others Don’t? " എന്ന പുസ്തകത്തിൽ പറയുന്നു. [3] 


അത് പോലെ തന്നെ AD-1604 നും 1614 നും ഇടക്ക് 6 ലക്ഷം മുസ്ലിംകളെ സ്പെയിനിൽ നിന്നും പുറത്ത് ആക്കിയപ്പോഴും ബൈബിൾ വാക്യങ്ങൾ വെച്ച് ന്യായീകരികരിചിരുന്നു എന്ന് ലണ്ടൻ യൂണിവേഴ്സിറ്റിയിൽ ഡിപ്പാർട്മെന്റ് ഓഫ് ഹിസ്‌പാനിക് സ്‌റ്റഡീസിൽ അംഗം ആയ
റോജർ ബോസ്, തന്റെ
An Example of Racial and Religious Intolerance-
 ൽ പറയുന്നു. [4]

യേശുവിന്റെ രണ്ടാം വരവ് യഥാർത്ഥമാകാനായി കൊടും ക്രൂരതകൾക്കും അനീതിക്കും തുറന്ന അംഗീകാരം കൊടുത്തിരിക്കുകയാണ് ക്രൈസ്തവ സയണിസം.  അമേരിക്കൻ വിദേശ നയങ്ങളെ സ്വാധീനിക്കുകയും നിയന്ത്രിക്കുകയും ചെയ്യുന്ന പ്രമുഖ വിശ്വാസ പ്രമാണം ആണിത്. 
ഫലസ്തീനിൽ നടക്കുന്ന വംശവിഛ്ചേദം യേശുവിന്റെ നാമത്തിൽ ആണ് ന്യായീകരിക്കപ്പെടുന്നത്. 
ഫലസ്തീനികൾ നേരിടുന്ന അടിച്ചമർത്തൽ ദൈവം ഇസ്രായേൽനെ "അനുഗ്രഹിചതിന്റെയും"  ഇസ്രായേൽനെ എതിർക്കുന്നവർ നേരിടുന്ന "ശാപത്തിന്റെയും" 
ഫലമായാണ് വ്യാഖ്യാനിക്കപ്പെടുന്നത്. 
കാലഘട്ടവാദികൾ ലോകം എങ്ങുമുള്ള ജൂതരോട് ഇസ്രായേൽലേക്ക് മടങ്ങാൻ ആവശ്യപ്പെടുന്നു. അത്തരം ഒരു അവസ്ഥയിലെ "പിളർപ്പ്" എന്ന പ്രതിഭാസം സംഭവിക്കു. അതായത് 1,20,000 ജൂതർ
ക്രൈസ്തവർ ആയി മാറുകയും അവശേഷിക്കുന്ന ദശലക്ഷക്കണക്കിന് ജൂതർ രക്ത രൂക്ഷിതമായ യുദ്ധത്തിൽ വധിക്കപ്പെടുകയും ചെയ്യുന്ന ഭീകര സംഭവം ആണിത്. ഇതിന്റെ പിന്നാലെ ആയിരിക്കും അത്രേ യേശുവിന്റെ രണ്ടാം വരവ് അരങ്ങേറുക.


"രാജ്യം ഇല്ലാത്ത ജനതക്ക് ജനതയില്ലാത്ത രാജ്യം"
എന്ന പ്രയോഗം പോലും കൊണ്ടു വന്നത് ക്രൈസ്തവ സയണിസമായിരുന്നു. ബ്രിട്ടീഷ് ക്രൈസ്തവ സയണിസ്റ്റ് നേതാവ് ഷാഫെസ്ബെറി പ്രഭു (1801-1885) 
1853 ൽ നടത്തിയതാണ് ആ പ്രയോഗം.
ഇത് പിന്നീട് അമേരിക്കയിൽ വ്യാപകമായി ഉപയോഗിക്കപ്പെട്ടു. അന്ന് അവിടെ ജീവിച്ചിരുന്ന ലക്ഷക്കണക്കിന് വരുന്ന ജനതയെ താത്വിക തലത്തിൽ വംശവിഛ്ചേദനം ചെയ്ത പ്രയോഗം തന്നെയായിരുന്നു ഷാഫേസ്ബെറിയുടെത്. 1300 ൽ ഏറെ വർഷങ്ങൾ ആയി അവിടെ നിലനിന്നു അറബ് ജനതയെ ഒറ്റയടിക്ക് തള്ളിപറയുകയായിരുന്നു.

ഫലസ്തീൻ അറബികൾ ഉന്മൂലനം ചെയ്യപ്പെടെണ്ട കൻആനൈറ്റ്കൾ കണക്കെ ആണ് എന്ന വ്യാഖ്യാനവും കൊളോണിയലിസ്റ്റ്കൾ നൽകിയിരുന്നു എന്ന് കോപ്പൻ ഹെഗൻ യൂണിവേഴ്സിറ്റി ബൈബിൾ പണ്ഡിതൻ ആയ
നെയില്സ് പീറ്റർ ലെംകേ തന്റെ Op.CIT ൽ കുറിക്കുന്നു .[5] 

സ്പെയിനിൽ നിന്നും മുസ്‌ലിംങളെ പുറത് ആക്കാൻ ഉപയോഗിച്ച അതേ പഴയനിയമ ഭാഗങ്ങൾ തന്നെ ആണ് (ആവർത്തന പുസ്തകം 23:3, 20:16-18)
ഫലസ്തീനികളെ പുറത്താക്കാൻ സയനിസ്റ്റുകളും ഉപയോഗിച്ചത്. ഇവ തന്നെ ആണ് തദ്ദേശിയരെ കൂട്ടകുരുതി നടത്താൻ 17 ആം നൂറ്റാണ്ടിൽ പ്യൂരിറ്റന്മാർ വടക്കേ അമേരിക്കയിൽ ഉപയോഗിച്ചതും എന്ന വസ്തുത എഴുത്തുകാരിയായ കാരൻ ആംസ്ട്രോങ്ങ്‌ തന്റെ
Holy War: The Crusades and their
Impact on Today’s World എന്ന പുസ്തകത്തിൽ പറയുന്നു. [6]


ബൈബിൾ പഴയനിയമത്തിൽ പറയുന്ന കായെന്റെ മേലെ പതിച്ച ശാപവും (ഉല്പത്തി 4:10-15) ഹാമിന്റെ പുത്രൻന്റെ മേലെ ആപതിച്ച ശാപവും (ഉല്പത്തി 9:20-25) കറുത്ത വർഗത്തിന്റെ തുടക്കത്തിനു കാരണം ആയി എന്ന് വാദിക്കപ്പെട്ടിട്ടുണ്ട്.  എന്നാൽ പിന്നീട് ഈ ആശയം നീഗ്രോകളുടെ അടിമത്തതിനായി ദുരുപയോഗം ചെയ്തു എന്ന് കാണാം.
ഹാമിന്റെ പുത്രൻ കൻആനു എതിരായ ശാപം 
കറുത്ത ആഫ്രിക്കനുകളെ അടിമകൾ ആക്കാൻ ഉപയോഗിച്ചിരുന്നു എന്ന് ബൈബിൾ പണ്ഡിതൻമാർ തന്നെ പൊതുവെ സമ്മതിക്കുന്നതായി
ജോൺ പാട്രിക്ക് ഡാന്നി അദ്ദേഹത്തിന്റെ
When Slavery Was Called
 Freedom,എന്ന പുസ്തകത്തിൽ പറയുന്നു.  [7] 


19 ആം നൂറ്റാണ്ടിൽ അമേരിക്കൻ അടിമത്ത വാദങ്ങൾ... ഹാമൈറ്റ്, ഹാമിന് എതിരായ ശാപം എന്നിങ്ങനെ ഉള്ള പദപ്രയോഗങ്ങൾ വിപുലമായി ഉപയോഗിച്ചിരുന്നതായി നോർത്ത് വെസ്റ്റേൺ യൂണിവേഴ്സിറ്റിയിൽ
ആഫ്രിക്കൻ അമേരിക്കൻ സ്‌റ്റഡീസ്‌ൽ അസോസിയേറ്റ് പ്രൊഫസർ ആയ സിൽവസ്റ്റർ എ.  ജോൺസൻ, 
The Myth of Ham in
Nineteenth Century American Christianity
യിൽ രേഖപ്പെടുത്തുന്നു.  [8]


ആഫ്രിക്കക്കാരുടെ അടിമവൽക്കരണം ബൈബിൾ ഉല്പത്തി പുസ്തകം ഉപയോഗിച്ച് ന്യായീകരിക്കപ്പെട്ടു.
ഹാം, കൻആൻ,  എന്നിവരുടെ മേലെ പതിച്ച ശാപത്തിന്റെ ഫലമായി ശപിക്കപ്പെട്ടവർ ആണ് കറുത്തവർ എന്നും കറുപ്പ് നിറം അതിന്റെ അടയാളം ആണ് എന്നും ആരോപിക്കപ്പെട്ടു. അത് കൊണ്ട് തന്നെ ആഫ്രിക്കൻ അടിമകൾ ക്രിസ്തുമതത്തിലെക്ക് മതം മാറിയാലും അടിമകൾ ആയി തന്നെ തുടർന്നു എന്ന് സ്റ്റാൻഫോർഡ് യൂണിവേഴ്സിറ്റിയിൽ US.ഹിസ്റ്ററി വിഭാഗം പ്രൊഫസർ ആയ ജോർജ് ഫ്രഡറിക്സൻ തന്റെ  Racism: A Short History,യിൽ നിരീക്ഷിക്കുന്നു. [9]


AD-1521 ൽ തന്നെ ജർമൻ ഹീബ്രൂ പണ്ഡിതൻ ആയ ജോഹാൻ ബീമസ്,  എല്ലാ അപരിഷ്‌കൃത ജനതയും (അതായത് യുറോപ്യർ അല്ലാത്തവർ) ശപിക്കപ്പെട്ട ഹാമിന്റെ പിൻഗാമികൾ ആണെന്ന് ആയിരുന്നു വാദിച്ചിരുന്നത് എന്ന വസ്തുത, ജോർജ് ഫ്രഡറിക്സൻ തന്നെ White Supremacism,ത്തിൽ വ്യക്തമാക്കുന്നുണ്ട്. [10]


കറുത്തവന്റെ മേൽ ഉള്ള വെള്ളക്കാരൻന്റെ ആധിപത്യത്തെ ന്യായീകരിക്കുന്ന
Klu-klux-klan പ്രസ്ഥാനക്കാർ 1920 കളുടെ തുടക്കത്തിൽ അമേരികയിൽ 40 ലക്ഷം പേര് ഉണ്ടായിരുന്നു. ക്രൈസ്തവ വിശ്വാസത്തിൽ അടിയുറച്ചു നിന്നും കൊണ്ട് തന്നെ കറുത്തവർക്ക് വിദ്യഭ്യാസവും വോട്ടവകാശവും നിഷേധിക്കാൻ ഇവർ തയ്യാർ ആയി.
https://fr.m.wikipedia.org/wiki/Ku_Klux_Klan

അത് പോലെ തന്നെ വെള്ളക്കാരുടെ ആധിപത്യത്തിൽ വിശ്വസിക്കുന്ന വൈറ്റ് ആര്യൻ റെസിസ്റ്റൻറ്റ്സ്,
ക്രിസ്ത്യൻ ഐഡന്റിറ്റി പ്രസ്ഥാനം എന്നിവ അമേരിക്കയിൽ ഇന്നും ആക്റ്റീവ് ആണ്.
ഒക്ലോഹാമയിൽ 95 ഏപ്രിൽ 19 ന് ഭീകര ബോംബ് ആക്രമണം നടത്തിയ തിമോതി മാക്വേ, മേൽ പറയപ്പെട്ട സംഘടനകൾ ആയി ബന്ധപെട്ടു പ്രവർത്തിച്ച വ്യക്തിയായിരുന്നു. വംശപകർച്ചയെ നിരോധിച്ചു കൊണ്ട് വംശശുദ്ധി നിലനിർത്താൻ ക്ലൂക്ലക്സിനെ  പോലെയുള്ള ക്രിസ്ത്യൻ വംശീയ പ്രസ്ഥാനങ്ങൾ ആഗ്രഹിക്കുന്നു.
മാർട്ടിൻ ലൂദർ കിങ്
1968 ൽ കൊല്ലപ്പെട്ടപ്പോൾ ബോബ്ജോൺ യൂണിവേഴ്സിറ്റിയിലെ വിദ്യാർത്ഥികൾ ആഹ്ലാദ പ്രകടനം നടത്തിയിരുന്നു.

ആംഗ്ലോ ഇസ്രായേലിസം എന്ന ക്രൈസ്തവ പ്രസ്ഥാനം 1870 ൽ സ്ഥാപിതമായി.
റെവ. ജോൺ വിൽസണ് ആണ് ഇതിന്റെ സ്ഥാപകൻ.
ആംഗ്ലോ സാക്സണ്കൾ ആണ് ഇസ്രായേൽലെ കാണാതെ പോയ 10 ജൂത ഗോത്രങ്ങൾ എന്നും വെസ്റ്റേൺ യുറോപ്യൻസും അമേരിക്കകാരും ദൈവത്തിന്റെ തെരഞ്ഞെടുക്കപ്പെട്ട ജനം ആണ് എന്നും ഇസ്രായേലിനു കൊടുത്തതായി പഴയ നിയമത്തിൽ പറയുന്ന വാഗ്ദാനങ്ങളും നാടുകളും ഒക്കെ തങ്ങൾക്ക് കൂടി ഉള്ളത് ആണ് എന്ന് ഒക്കെയായിരുന്നു ഇവരുടെ വാദങ്ങൾ. 1870 ൽ തന്നെ ബ്രിട്ടനിൽ നിന്നും പ്രസ്ഥാനം അമേരികയിൽ എത്തി.


1867 ൽ അമേരിക്കയിൽ ആണ് Klu-klux-klan പ്രസ്ഥാനം തുടക്കം കുറിക്കുന്നത്.
കറുത്ത വർഗക്കാരുടെ അവകാശങ്ങളെ നിഷേഷിച്ചു കൊണ്ട് വെള്ളക്കാരൻന്റെ വംശീയ അഹങ്കാരം ഉയർത്തി പിടിക്കുക ഇവരുടെ ലക്ഷ്യം. 1920 കളിൽ ജൂതരെയും കാത്തോലിക്കരെയും കൂടി ഇവർ ശത്രു സ്ഥാനത് നിർത്തി.
1923 ൽ ഇവരുടെ അംഗസംഖ്യ 6 മില്യൺ ആയി ഉയർന്നു. നാസി പ്രസ്ഥാനത്തിന്റെ അമേരിക്കൻ നാവ് ആയി രണ്ടാം ലോക മഹായുദ്ധം വരെ ക്ലൂക്ലസ് ക്ലാൻ വളർന്നു. പിന്നീട് 30 കളിലെ സാമ്പത്തിക മാന്ദ്യം ക്ലാനിന്റെ പ്രവർത്തനങ്ങളെ മരവിപ്പിച്ചു. ഈ
Klu-klux-clan ഉം നാസി തീവ്രവാദികളും
ആംഗ്ലോ ഇസ്രായേലിസവും ആയി കുടിച്ചേർന്നാണ് ക്രിസ്ത്യൻ ഐഡന്റിറ്റി പ്രസ്ഥാനം ആയി മാറിയത്.

അബ്രഹാമിന്റെ തെരഞ്ഞെടുക്കപ്പെട്ട ജനം ഞങ്ങൾ ആണ് എന്ന് അവർ വാദിച്ചു. കാണാതെ 10 ജൂത ഗോത്രങ്ങളിൽ തങ്ങൾ പെടും എന്നും വാദിച്ചു. ബ്രിട്ടീഷ്കാർ, സ്കാൻഡിനെവിയക്കാർ,  ജർമൻകാർ എന്നിവരാണ് മറ്റുള്ളവർ.
ജൂതരെ ഇവർ ശത്രുക്കൾ ആയി കണ്ടു. മാത്രം അല്ല വെള്ളക്കാരുടെ മുഴുവൻ ശത്രുക്കൾ ജൂതൻമാർ ആണെന്ന് വരെ ഇവർ വാദിച്ചു.

ഇക്കൂട്ടർക്ക് നാസി-അഡോൾഫ് ഹിറ്റ്ലർ പ്രകൃതിയുമായി ഉള്ള അടുപ്പം വളരെ വ്യക്തമാണ്.
ശപിക്കപ്പെട്ട കായെന്റെ പരമ്പരയായി ഇവർ ജൂതരെ കാണുന്നു. ബൈബിൾ ഉല്പത്തി പുസ്തകം (1:24) ൽ പറയുന്ന ജന്തുക്കൾ വെള്ളക്കാർ അല്ലാത്ത ജനവിഭാഗം ആണെന്ന് നിർലജ്ജമായി ഇവർ ആരോപിച്ചു. വെള്ളക്കാർ അല്ലാത്തവർ താഴ്ന്നവരായത് കൊണ്ട് അവരും ആയുള്ള വിവാഹം നിഷിദ്ധം ആക്കി.

ഹിറ്റ്ലർടെ നാസി പ്രസ്ഥാനതിന് തുറന്ന പിന്തുണ പ്രഖ്യാപിച്ചു കൊണ്ട് ജൂത വിരുദ്ധ വികാരം കെട്ട് അഴിച്ചു വിട്ടു കൊണ്ട് ശക്തമായ പ്രചാരണ യുദ്ധം തന്നെ ആണ് ക്രിസ്ത്യൻ ഐഡന്റിറ്റി പ്രസ്ഥാനം 1945 വരെ നടത്തിയത് എന്ന് അമേരിക്കൻ ഇൻവെസ്റ്റിഗേറ്റിവ് ജേർണലിസ്റ്റ് ആയ
ജെയിംസ് റിഡ്ജ്വേ തന്റെ
Blood in the Face ൽ പറയുന്നു. [11]


തിമോത്തി മാക്വേയെ പോലുള്ളവർ ഉൾപെടുന്ന
വൈറ്റ് ആര്യൻ റെസിസ്റ്റൻറ്റ്സ്-ക്രിസ്ത്യൻ ഐഡന്റിറ്റി പ്രസ്ഥാനങ്ങൾ വ്യാപകമാം വിധം മത-ദുർവ്യാഖ്യാനങ്ങൾ നടത്തി കൊണ്ട് ആണ് പടരുന്നത്.
ഉന്നത സാങ്കേതിക വിദ്യയും നവീനമായ ആയുധങ്ങളും കൈവശം ഉള്ള ക്രൈസ്തവ തീവ്രവാദികൾ മുസ്ലിം തീവ്രവാദികളെ അസൂയപ്പെടുതുന്നു എന്ന് റൈറ്റർ ആയ പാസ്റ്റി സിംസ്, The klan ൽ നിരീക്ഷിക്കുന്നു  [12]


തോക്ക് നിയന്ത്രിക്കാൻ ഉള്ള എല്ലാ ശ്രമങ്ങളെയും...
വാളില്ലാത്തവന്‍ സ്വന്തം കുപ്പായം വിറ്റ്‌ വാള്‍ വാങ്ങട്ടെ.
(ലൂക്കാ 22 : 36)
എന്ന പുതിയ നിയമത്തിലെ യേശുവിന്റെ പ്രസ്ഥാവനയുടെ ബലത്തിൽ ന്യായീകരിക്കാൻ ക്ലു ക്ലസ് ക്ലാനും ക്രിസ്ത്യൻ ഐഡന്റിറ്റി ക്കാരും ശ്രമിക്കുന്നു.

അടിമത്തത്തിനെ ന്യായീകരിക്കാൻ ഒട്ടേറെ ബൈബിൾ വാക്യങ്ങൾ ഉദ്ധരിക്കപെടാറുണ്ട്.
പ്രാചീന റബ്ബനിക്കൽ നിയമം ബൈബിളിന്റ വെളിച്ചത്തിൽ അടിമകളെ കൈ വശം വെക്കാൻ അനുവദിക്കുന്നു എന്ന് വാദിച്ചു കൊണ്ട് ജൂതർ അടിമ കച്ചവടത്തിൽ ഏർപ്പെട്ടിരുന്നു എന്ന വസ്തുത പൊളിറ്റിക്കൽ ഫിലോസഫർ ആയ
ജീ. എ.  കോഹെൻ അദ്ദേഹത്തിന്റെ
Rescuing Justice and Equality,
യിൽ രേഖപ്പെടുത്തുന്നുണ്ട് [13]

ആഫ്രിക്കക്കാരെ അടിമകൾ ആക്കുന്നതിൽ ഒരു ധാർമിക ദുഃഖവും ക്രൈസ്തവവർക്ക് ഇല്ലാതെ പോയത് എന്ത് കൊണ്ട് എന്ന് ചിന്ദിക്കേണ്ടതുണ്ട്.
അതിനു കാരണം സ്പെയിൻ, പോർച്ചുഗൽ, ബ്രിട്ടൻ, ഫ്രാൻസ് തുടങ്ങിയ സാമ്രാജ്യത്വ ശക്തികൾ കോളനിവൽക്കരണതിന് തുനിഞ്ഞപ്പോൾ ഈ പിടിച്ചടുക്കലുകളെ ന്യായീകരിക്കാൻ ആയി സമർഥം ആയി ബൈബിളിൽ നിന്നും തത്വങ്ങൾ മെനഞ്ഞതാണ്. മാത്രം അല്ല 16 ഉം 17 ഉം നൂറ്റാണ്ടുകളിൽ റെഡ് ഇന്ത്യൻ വംശജർക്ക് എതിരെ നോർത്ത് അമേരിക്കയിൽ നടന്ന കൂട്ടകുരുതികളും ബൈബിളിന്റെ വെളിച്ചത്തിൽ വിഗ്രഹാരാധികൾക്ക് എതിരെയും
വന്യ മൃഗങ്ങൾക്ക് എതിരെയും നടന്ന കർക്കശ നടപടികൾ ആയാണ് ചിത്രീകരിക്കപ്പെട്ടത് എന്ന് പ്രോളിഫിക്‌ ജേർണലിസ്റ്റ് ആയ
ഹാൻസ് കോണിൻഗ്.. The Conquest of America യിൽ പറയുന്നു. [14]


അടിമത്തം ക്രൈസ്തവ യുറോപ്പിന്റെ സാമ്പത്തിക രീതി ശാസ്ത്രം ആയി സ്വീകാര്യത നേടിയത് ഒരു പ്രതേക നീതികരണ മാർഗത്തിൽ കൂടി ആയിരുന്നു.
അതായത് അടിമകൾ ആയ ആഫ്രിക്കനുകളെ എളുപ്പത്തിൽ മതം മാറ്റാം. അങ്ങനെ മനുഷ്യനെ അടിമ ആക്കുന്നത്തിലെ കുറ്റബോധം
അവരുടെ രക്ഷക്ക് ഉള്ള മാർഗത്തെ തങ്ങൾ നേടി കൊടുക്കുന്നു എന്ന ഒരു ധാർമിക ന്യായീകരണം അവർ കണ്ടെത്തി. ഈ ഒരു വസ്തുത ആഫ്രിക്കൻ അമേരിക്കൻ പഠനത്തിൽ പണ്ഡിതനായ
ആൽബർട്ട്. ജെ. റോബർട്ട്യു തന്റെ
Slave Religion ൽ നിരീക്ഷണം നടത്തുന്നു. [15]


ക്രിസ്റ്റോഫർ കൊളമ്പസിന്റെ (1451-1506)
ആദ്യ അമേരിക്കൻ യാത്രക്ക് ശേഷം 50 വർഷത്തിനുള്ളിൽ 1 ലക്ഷം കറുത്ത വർഗക്കാർ ആയ അടിമകളെയാണ് പോർച്ചുഗൽലേക്കും സ്പെയിൻലേക്കും കൊണ്ടുപോയത്.
ഐബീരിയൻ ക്രിസ്ത്യാനികൾ ഈ കറുത്ത അടിമകളെ ശത്രുക്കൾ ആയ മുസ്ലിംകളുടെ വാർപ്പ് മാതൃകയിൽ ഉൾപ്പെടുത്തി വംശീയമായി പ്രതിനിധാനം
ചെയ്തിരുന്നു എന്ന് ചരിത്രകാരൻ ആയ ജെയിംസ് സ്വീറ്റ് എഴുതുന്നു.  [16]


19 ആം നൂറ്റാണ്ടിലെ യുറോപ്യൻ കൊളോണിയലിസത്തിന്റെ പ്രത്യശാസ്ത്രമായ നീതികരണം ലഭ്യമായത് പിടിച്ചടക്കാനും ഉന്മൂലനം ചെയ്യാനും ഉള്ള ബൈബിൾ വാക്യങ്ങൾ ആയിരുന്നു എന്ന് കോപ്പൻ ഹെഗൻ യൂണിവേഴ്സിറ്റി ബൈബിൾ പണ്ഡിതൻ ആയ
നെയില്സ് പീറ്റർ ലെംകേ തന്റെ  The OT between Theology and
 History യിൽ വിവരിക്കുന്നു.
[17]

ബൈബിൾ ആവർത്തന പുസ്തകത്തിലെ
യുദ്ധ ആഹ്വാനങ്ങൾ അമേരിക്കൻ ആദിവാസികളുടെയും യുറോപ്യൻ ജൂതരുടെയും നാശതിന് കാരണം ആയി എന്ന് ചരിത്രകാരൻ
ആർതർ ഗ്രൻകേ തന്റെ God,Greed and Genocide,ൽ വാദിച്ചു. [18]

തദ്ദേശവാസികൾ ആയ റെഡ് ഇന്ത്യൻ ആദിവാസികളെ അടിച്ചോടിച്ചു ആധിപത്യം സ്ഥാപിച്ച
ചരിത്രഘട്ടത്തെ
പ്രകൃതിപരമായ അവകാശം, ദൈവവിധി എന്ന് ഒക്കെ പറഞ്ഞു ഒതുക്കുകയാണ് അമേരിക്കൻ മുഖ്യധാര ചെയ്തത് എന്ന്
ആൽബർട്ട് വെയ്ബ്രേഗ്ഗ്, മാനിഫെസ്റ്റ് ഡിസ്റ്റിനിയിൽ
നിരീക്ഷിക്കുന്നു. [19]


ദുർബലർക്ക് എതിരായ ഈ ഈ അതിക്രമണ പ്രവണത തന്നെയാണ് 1899 മുതൽ 1902 വരെ നടന്ന ഫിലിപ്പയിൻ യുദ്ധത്തിലും തെളിഞ്ഞു നിൽക്കുന്നത്. അമേരിക നടത്തിയ നടത്തിയ ഈ യുദ്ധത്തിൽ 4234 അമേരിക്കൻസും രണ്ടുലക്ഷതി ഇരുപതിനായിരം ഫിലിപ്പയിനുകളും ആയിരുന്നു കൊല്ലപ്പെട്ടത് .[20]

"വിശുദ്ധ ഗേഹം" എന്ന നിലക്കുള്ള തിരിച്ചറിവിലേക്ക് ആയിരുന്നു അമേരിക്ക ഈ ആധിപത്യത്തിലൂടെ എത്തിയത്. പരോക്ഷമായി
സയണിസ്റ്റ് -കൊളോണിയൽ ബന്ധങ്ങളെ പുൽകുന്നതിൽ മേൽ പറഞ്ഞ അമേരിക്കൻ സങ്കൽപ്പം ശക്തമായ സ്വാധീനം ചെലുത്തിയിട്ടുണ്ട്. മാത്രം അല്ല
കിഴക്ക്ന്റെ ഇസ്ലാം,  ക്രൈസ്തവതയിൽ നിന്നും പാലും തേനും ഒഴുകുന്ന പലസ്തീൻ തട്ടി എടുത്തു പാഴ്ഭൂമിയാക്കി കളഞ്ഞു എന്ന ഒരു "മിത്ത്" പടിഞ്ഞാറിന്റെ അടിസ്ഥാന സങ്കല്പം ആയി പണ്ടേ തന്നെ മാറിയിരിന്നുവല്ലോ.
(Fuad Sha, Ban Islam and Arabs in Early American thought,p.91)


ബ്രിട്ടീഷ്‌ ഇസ്രായെലിസം എന്ന ആശയം 16 ആം നൂറ്റാണ്ട് മുതൽ ബ്രിട്ടനിൽ ശക്തിപ്പെട്ടിരുന്നു. ക്രിസ്തുവിനു മുൻപ് 720 ൽ അസീറിയയിൽ നിന്നും നാട് കടത്തപ്പെട്ട 10 ഉത്തര ഹീബ്രൂ ഗോത്രങ്ങൾ
ഇസ്രായേൽലേക്ക് മടങാതെ ബ്രിട്ടീഷ് ദ്വീപ്കളിൽ എത്തി ആംഗ്ലോ സാക്സൻ ജനതയായി മാറി എന്നാണ് ഇവരുടെ വാദം. യഥാർത്ഥ ഇസ്രായേൽ തങ്ങൾ ആണ് എന്ന അവകാശ വാദം മുന്നോട്ടു വെച്ച് കൊണ്ട് ദൈവത്തിന്റെ തെരഞ്ഞെടുക്കപ്പെട്ട വംശം ആംഗ്ലോ-സാക്സനുകൾ ആണ് എന്നായിരുന്നു കൊളോണിയൽ പ്രഭൂക്കളുടെ വാദം. ബൈബിൾ പുതിയ നിയമം
(അപ്പൊസ്ഥല പ്രവൃത്തികൾ 17:26-27)
വാക്യങ്ങൾ തങ്ങളുടെ വംശീയ വാദത്തിനും  വംശപരിഗണന ഇല്ലാത്ത വിവാഹം സാധുവല്ല എന്നതിനും ന്യായീകരണം ആയി അമേരിക്കൻ ക്രൈസ്തവ വംശീയവാദി  ബോബ് ജോൺസ് ഉദ്ധരിച്ചു. വർഗ്ഗ സങ്കരം അന്തിക്രിസ്തുവിന്റെ ശൈലി ആണത്രേ. [21]

ബൈബിൾ (1 Samuel 7:10) (Isiah 11:12) (60:22) (Ezekiel 36:24) എന്നിവ പ്രകാരം
പ്രവചിക്കപ്പെട്ട രാഷ്ട്രം അമേരിക്കയാണ് എന്നു ക്രിസ്ത്യൻ ഐഡന്റിറ്റി പ്രസ്ഥാനം സിദ്ധാന്തവൽക്കരിച്ചു.

1913 മുതൽ 1921 വരെ അമേരിക്കൻ പ്രസിഡന്റ് ആയിരുന്ന വിഡ്രോ വിൽസന് ലോക രാഷ്ട്രീയതെ  പരിഷ്ക്കരിക്കാൻ ഉള്ള അവകാശം അമേരിക്കക്ക് ഉണ്ട് എന്നു വിശ്വസിച്ചു.
ബാൽഫർ പ്രഖ്യാപനത്തിന് തുറന്ന പിന്തുണ കൊടുത ശേഷം അദ്ദേഹം സയണിസ്റ്റ് നേതാവ്
റബ്ബി സ്റ്റീഫൻ വൈസിനോട് ഇങ്ങനെ പറഞ്ഞു :
" വൈസ്.. വിഷമിക്കണ്ട.. ഫലസ്തീൻ നിങ്ങളുടെതാകും".

1945 മുതൽ 1953 വരെ അമേരിക്കൻ പ്രസിഡന്റ് ആയിരുന്ന ഹാരി ട്രൂമാൻ ഒരു രാഷ്ട്രത്തിന്റെ അടിസ്ഥാന നിയമം മോശക് ദൈവം കൊടുത്ത കല്പനകൾ ആണെന്ന് ചിന്തിച്ച ആൾ ആയിരുന്നു.
ദൈവം ഇല്ലാത്ത കമ്മ്യൂണിസത്തിൽ നിന്നും സ്വാതന്ത്ര്യ ലോകത്തെ സംരക്ഷിച്ചു നിർത്തേണ്ട ബാധ്യതയെ പറ്റി എന്ന പോലെ ഇസ്രായേൽന്റെ രൂപീകരണത്തെ പറ്റിയും ട്രൂമാനു വ്യക്തത ഉണ്ടായിരുന്നു. 1948 ൽ ഇസ്രായേൽ രൂപീകരണ ശേഷം അദ്ദേഹം സ്വൊയം പറഞ്ഞു:
"ഞാൻ ആണ് സൈറസ്...ഞാൻ ആണ് സൈറസ്..." [22]
ജൂതരുടെ രക്ഷകൻ ആയി വർത്തിച്ച രാജാവ് ആയിരുന്നു സൈറസ്. ബൈബിൾ അദ്ദേഹത്തെ മിശിഹാ എന്ന് തന്നെ വിളിക്കുന്നത് കാണാം.
മുൻ യുഎസ് പ്രസിഡന്റ് ജോർജ് ഡബ്ലിയു ബുഷ്
ആധുനികത്വം, വികസനം, സ്വതന്ത്ര്യവ്യാപാരം, സ്വാതന്ത്ര്യം എന്നിവ പ്രചരിപ്പിക്കാൻ ഉള്ള ദിവ്യ പദ്ധതിയിൽ ദൈവത്തിന്റെ ഉപകരണം ആയി അമേരിക്കയെ വിശേഷിപ്പിക്കാറുണ്ടായിരുന്നു.

ഇസ്രായേൽ പുരാവസ്തു ഗവേഷകനായ ഇസ്രായേൽ  ഫിങ്കൽസ്റ്റയിൻ എഴുതിയ ചരിത്ര ഗ്രന്ഥം [23]
വിശുദ്ധ ഭൂമിയിൽ ആധുനിക ശാസ്ത്രപഠനത്തിന്റെ
വെളിച്ചത്തിൽ വിരചിതമായതാണ്. ഹെബ്രായർ പർവത പ്രദേശങ്ങളിലും കൻആനൈറ്റുകൾ താഴ്ന്ന പ്രദേശങ്ങളിലും ആണ് വസിച്ചിരുന്നത് എന്നു അദ്ദേഹം തെളിയിക്കുന്നു.
അഷ്‌കനാസികൾ അല്ലാത്ത ജൂതരുടെ ജനിതക സാമ്യം ഇന്നത്തെ പലസ്തീനികളോട് ആണ് എന്നും
അഷ്‌കനാസികളുടെ DNA  സാമ്യപ്പെടുന്നത് നാസി യുറോപ്യരുടെതായി ആണ് എന്നും അദ്ദേഹം കണ്ടെത്തുന്നുണ്ട്.
ഇസ്രായേലും ജൂതജനതയും ഒന്നിച്ചു ഒരൊറ്റ ജനത ആയി ഒരിക്കലും നിലനിന്നു പോയിട്ടില്ല എന്നും
ഡേവിഡ്ന്റെ കാലത്തെ യറുശലേം നഗരത്തിൽ 1600 പൗരൻമാരെ ഉണ്ടായിരുന്നുള്ളൂ എന്നും അദ്ദേഹം വാദിക്കുന്നു.  ഈ കണ്ടെത്തലുകൾ ക്രൈസ്തവ ജൂത സയണിസ്റ്റ് മിത്തുകളെ തകർത്തു ഏറിയുന്നുണ്ട്.

ഫലസ്തീനിൽ ഇരകൾ ആക്കപ്പെടുന്നതിൽ അധികവും അറബ് മുസ്ലിംകൾ ആണെങ്കിലും അറബിക് ക്രൈസ്തവരും അവിടെ പീഡിപ്പിക്കപ്പെടുന്നു എന്ന വസ്തുത പലപ്പോഴും ചിത്രത്തിൽ വരുന്നില്ല. ഈ വസ്തുത തന്നെ സയനിസ്റ്റ് മിത്തുകളെ തൂത്തെറിയാൻ പോന്നവയാണ്.

ക്രൈസ്തവ ചർച് ഫലസ്തീൻൽ ഉണ്ട് എന്ന് സൂചിപ്പികുമ്പോഴെക്കും അവർ
യഥാർത്ഥ ക്രൈസ്തവർ അല്ല എന്ന വിധം വ്യാഖ്യാനിക്കപ്പെടുന്നു എന്ന കാര്യം ഒരു ഞെട്ടലോടെ തന്നെ ക്രൈസ്തവ ചിന്തകനായ ഗാരി ബർജ് സൂചിപ്പികുന്നു.  [24]

1947 ൽ ഫലസ്തീൻൽ 4 ലക്ഷം ക്രൈസ്തവർ ഉണ്ടായിരുന്നു.  മെൽചെയിറ്റ് സഭക്ക് 1948 ൽ നിരവധി ചർച്കൾ ഇസ്രായേലി സയനിസ്റ്റുകളാൽ നഷ്ടം ആയി.
1949 ആയപ്പോഴേക്കും ക്രൈസ്തവ അംഗ സംഖ്യ 80,000 മാത്രം ആയി ചുരുങ്ങി. 1967 ലെ  6 ദിന യുദ്ധത്തിൽ ഇസ്രായേൽ, കിഴക്കൻ ജറുസലെമും
വെസ്റ്റ് ബാങ്കും, ഗോലാന് കുന്നുകളും ഗാസ ചിന്തും പിടിച്ചു. ഈ അധിനിവിഷ്‌ട ഭൂമിയിൽ ക്രൈസ്തവരും മുസ്ലിംകളും അടക്കം 1.3 മില്യൺ മനുഷ്യർ ആണ് അന്ന് വസിചിരുന്നതു.

1967 ലെ യുദ്ധത്തിനു ശേഷവും ജറുസലെമിലെയും
ബെതുലഹേമിലെയും അനേകം ക്രൈസ്തവ ചർച്കൾ നശിപ്പിച്ചു കളയുകയും കൊള്ളയടിക്കുകയും ഉണ്ടായി.  ചർച്ചുകൾക്ക് സംഭവിച നാശങ്ങൾ സംബന്ധിച്ച് കൃത്യമായ രേഖകൾ തന്നെയുണ്ട്.
ബൈബിൾ ചരിത്രം ഉറങ്ങുന്ന ബൈതുനുബ, എമ്മാവുസ്,  യാലു എന്നീ ഗ്രാമങ്ങൾ സയനിസ്റ്റ് താണ്ടവങ്ങൾക്ക് ഇരയായി.

1948 ൽ തന്നെ സയനിസ്റ്റുകൾ നശിപ്പിച്ച 532 ഫലസ്തീൻ ഗ്രാമങ്ങളിൽ പലതും ബൈബിൾ ചരിത്രത്തിന്റെ ഭാഗങ്ങൾ ആയിരുന്നു.
ബൈബിൾലെ ചരിത്ര ഭൂമികൾ കയ്യേറ്റം നടത്തുന്നതും അതിനു പിന്തുണ നൽകുന്നതും  ഒഴിവാക്കാൻ ഇതൊന്നും ക്രൈസ്തവ സയനിസ്റ്റുകളെ പ്രേരിപ്പിക്കുന്നതെയില്ല.

ഫലസ്തീൻ ക്രൈസ്തവ പണ്ഡിതൻ ആയ Muneer Fashe തന്റെ തന്നെ ജീവിത കഥയിലൂടെ നിരവധി ചോദ്യങ്ങൾ ഉയർത്തുന്നുണ്ട് :

" ഞാൻ 1941 ൽ ജറുസലെമിൽ ജനിച്ചവൻ ആണ്.1948 ൽ കുടുംബ സമേതം ആട്ടിയോടിക്കപ്പെട്ടവന്.അതിനു ശേഷം ഞങ്ങളുടെ വീടുകളിൽ വസിക്കുന്നതു ദൈവം തെരഞ്ഞെടുത്തതായി പറയുന്ന യുറോപ്യന് ജൂതൻ ആണ്. ഞാൻ കളിച്ച കളിപ്പാട്ടങ്ങൾ ഉപയോഗിച്ച് അവരുടെ കുട്ടികൾ കളിക്കുന്നു.ഞങ്ങൾ വിട്ടേച്ചു പോയ കൃഷി ഭൂമിയിൽ നിന്നും അവർ വിഭവങ്ങൾ കൊയ്യുന്നു.
കാര്യങ്ങൾ കൂടുതൽ അയുക്തികമാക്കുന്നതു പാശ്ചാത്യ മാധ്യമങ്ങൾ ഞങ്ങൾ ഫലസ്തീനികളെ എന്നിട്ടും കുറ്റപ്പെടുത്തുന്നു എന്നതിൽ ആണ്. [25]

പ്രശ്നം മതം അല്ല: മത ദുർവ്യാഖ്യാനം ആണ്.
__________________________________________________

പറഞ്ഞു വരുന്നതു ഇങ്ങനെയുള്ള കടുത്ത ദുർവ്യാഖ്യാനങ്ങളും നീതികരണങ്ങളും എല്ലാ ദർശനങ്ങളിലും ബോധപൂർവ്വം തന്നെ നടക്കുന്നുണ്ട് എന്ന് ആണ്. മതം മധ്യ പൗരസ്ത്യ ലോകത്തെ അസമാധാനത്തിന്റെ അടിസ്ഥാന കാരണം അല്ല.
മറിച്ചു കാര്യങ്ങൾ രൂക്ഷമാക്കി സ്വാർത്ഥ ലക്ഷ്യങ്ങൾക്ക് വേണ്ടി ദുരുപയോഗം ചെയ്യുകയാണ് എന്നതാണ് യാഥാർഥ്യം. അത് കൊണ്ട് തന്നെ പ്രശ്ന പരിഹാരത്തിനും മതത്തിന്റെ യഥാർത്ഥ വ്യാഖ്യാനം സഹായകമാകും.
____________________________


REFFERENCES:
_________________

1. Christopher Hichrens, God is not Great, Hachlette:
New York, 2007, p.102

2.  Mark Juergensmeyer, Terror in the Mind of God,
University of California Press: California, 2004, p.19-
20

3. Daniel Chirot, Why Some Wars Became Genocidal
and others Don’t? University of Washington Press:
 Washington, 2002, p.3

4.  Roger Boase, The Monsio Expulsion and Diaspora:
An Example of Racial and Religious Intolerance-
Essays Presented to L.P. Harvey ( Ed: David Hook,
Barry Taylor), Kings College: London,1990, p.12

5.  Neils Peter Lemche, Op. Cit. p.315-316

6.  Karen Armstrong, Holy War: The Crusades and their
Impact on Today’s World, Macmillan: London, 1988,
p.347

7.  John Patrick Danny, When Slavery Was Called
Freedom, The University Press of
Kentucky:Lexington, Kentucky 2004. p.37

8.  Sylvester A. Johnson, The Myth of Ham in
Nineteenth Century American Christianity: Race
Heathens, and the People of God, Macmillan : New
York, 2004, p.37

9.  George Fredrickson, Racism: A Short History,
Princeton University Press: New York, 2002, p.40-
47

10.  George M, Fredickson, White Supremacism, Oxford
University Press: New York, 1981, p.10

11.  James Ridgeway, Blood in the Face: the Kuklux klam,
Aryan Nations, Skindheades, and the Rise of the
New White Culture, Thunder’s Mouth Press: New
York, 1990. p.45

12.  Pasty Sims, The Klan, University Press of Kentucky:
Lexington, 1996, p.XI

13.  G.A. Cohen, Rescuing Justice and Equality, Harvard
University Press: Harvard, 2005, p.49

14.  Hans Koning, The Conquest of America: How the
Indian Nations Lost their Continent, Cornerstone
Press: New York, 1993, p.27

15.  Albert J. Roboteau, Slave Religion, O.U.P: New York,
1978. p.96

16.  James H. Sweet. Iberian Roots of American Racist
Thought, William and Mary Quarterly, vol: 54, 1997.
p.166

17.  Neils Peter Lemche, The OT between Theology and
History: A Critical Survey, Westminster John Knox
Press: Louvisile, KY, 2008. p.315

18. Arthur Grenke, God, Greed and Genocide, New
Academia Publishing: Washington, 2005. p.17

19. Albert Weirbreg, Manifest Destiny, Quadrangle
Books: Chicago 1963

20. Harvard Zinn, A People’s History of the US, Harper
and Row: New York, 1980, p.305-306

21. Bob Jones, Racial Integration, in Robert Campbell
(ed), Spectrum of Protestant Beliefs, Bruce:
Milwauke, 1968, p.68

22.  Lawrence Davidson, America’s Palestine, University
Press of Florida: Florida, 2001, p.16

23. Israel Finkelstein, Silberman, Neil Asher, The Bible
Unearthed, Simon Schuster: NY, 2002

24. Gary. M Burge, Whose Land? Whose Promise?
Pilgrim: Cleveland, 2003, p.244

25.  Munir Fasheh, The Message of Jerusalem Today,
In Jerusalem: What Makes for Peace! A Palestinian
Christian Contributions to Peacemaking (ed: Naim
Ateek et al), Melisende: London, 1977, p.168

https://en.m.wikipedia.org/wiki/Christian_Identity

https://en.m.wikipedia.org/wiki/White_Aryan_Resistance