ഖുർആനിലെ യേശു സൃഷ്ടിയോ? സൃഷ്ടാവോ? (Part 1)

ക്രൈസ്തവ മിഷനറികൾ മനുഷ്യനായ യേശു ക്രിസ്തുവിനെ അവരുടെ ബൈബിളിൽ നിന്നും എങ്ങനെ എങ്കിലും ഒന്ന് ദൈവം ആക്കി എടുക്കാൻ പഠിച്ച പണി പതിനെട്ടു പയറ്റുന്നതും എല്ലാം പൊട്ടി പാളിസാകുന്നതും നാം സ്ഥിരം കാണാറുണ്ട്.
ഇതാ രസകരമായ ഒരു വാദം കാണുക :

അതായത് ഖുർആൻ പരിചയപ്പെടുത്തുന്ന മഹാനായ പ്രവാചകൻ ഈസ അലൈഹി സലാം (യേശു)
സൃഷ്ടി (Creation) അല്ല. സൃഷ്ടാവ് (Creator)
ആണത്രേ. അതിനു കാരണം പറയുന്നത്
ഈസ(a) കളിമണ്ണ് കുഴച്ചു പക്ഷിയെ ഉണ്ടാക്കിയ ശേഷം അതിലേക്കു ഊതിയപ്പോൾ അത് ജീവൻ ഉള്ള പക്ഷി ആയി മാറിയ സംഭവം ആണ്.
(ഈ അത്ഭുതം ബൈബിളിൽ ഇല്ല കേട്ടോ : ഖുർആനിൽ ആണ് ഉള്ളത്).
എന്നാൽ എന്താണ് വസ്തുത?
അത് കൊണ്ട് ഈസ നബി ദൈവം ആകുമോ?
ലോക സൃഷ്ടാവ് ആകുമോ?
പരിശോധിക്കാം :
>>>>>>>>>>>>>>

Critic No-1ഖുർആൻ യേശു ക്രിസ്തു സൃഷ്ടി ആണെന്ന് പറയുന്നില്ല. ഉണ്ട് എങ്കിൽ തെളിവ് ?

ആദ്യമായി ഒരു കാര്യം ചോദിക്കട്ടെ?
നിങ്ങളുടെ പ്രമാണം ആയ ബൈബിളിൽ
എവിടെ ആണ്
മോശെ പ്രവാചകൻ ദൈവത്തിന്റെ സൃഷ്ടി ആണ്
എലിശ പ്രവാചകൻ ദൈവത്തിന്റെ സൃഷ്ടി ആണ്
എന്നിങ്ങനെ ഒക്കെ പറയുന്നത്?
അങ്ങനെ പറഞ്ഞില്ല എന്നത് കൊണ്ട് അവർ ഒക്കെ സൃഷ്ടാവ് ആകുമോ ?
ഇനി വിഷയത്തിൽ വരാം :

യേശു അല്ലാഹുവിന്റെ സൃഷ്ടി ആണെന്ന് ഖുർആൻ പറയുന്നുണ്ട്:
മറിയമിന്റ അടുക്കൽ മലക്കുകൾ വന്നു
ഒരു കുഞ്ഞിനെ പറ്റി സുവിശേഷം അറിയിക്കുമ്പോൾ
മറിയം അത് എങ്ങനെ ആണ്? എന്ന് ചോദിക്കുന്നുണ്ട്:
അപ്പോൾ അല്ലാഹു മറുപടി കൊടുക്കുന്നത്
താൻ ഉദ്ദേശിക്കുന്നത് സൃഷ്ടിക്കും
എന്ന് തന്നെ ആണ്.

അത്ഭുതകരമായ ഒരു വസ്തുത എന്തെന്നാൽ
മറ്റൊരു പ്രവാചകന്റെ ജനനം സംബന്ധിച്ച് അല്ലാഹു
ഒരിക്കലും ഇങ്ങനെ ഒരു വാക്ക് അതായത്
ഞാൻ ഉദ്ദേശിക്കുന്നത് സൃഷ്ടിക്കും എന്ന് പറഞ്ഞിട്ടില്ല എന്നതാണ്.
എന്നാൽ ഈസ നബിയെ സംബന്ധിച്ച് 2 തവണ ഈ വാക്ക് പ്രയോഗിച്ചു.
ഇത്തരം കുരുട്ടു ചോദ്യങ്ങളും ആയി ഓടുന്ന ത്രിയെക വാദികൾക്ക്
ത്രികാല ജ്ഞാനിയായ അല്ലാഹു ഒരു മുഴം മുന്നേ നീട്ടി എറിഞ്ഞ വടി എന്ന് വേണമെങ്കിൽ പറയാം.
ഇത് വെറുതെ പറഞ്ഞത് അല്ല. ഒരു ഉദാഹരണം കാണിക്കാം:


വിശുദ്ധ ഖുർആൻ 2 അത്ഭുത ജനനങ്ങളെ
സംബന്ധിച്ച സുവിശേഷ വാർത്ത
ഒരേ അധ്യായത്തിൽ പ്രതിപാധിക്കുന്നുണ്ട്.
മഹാനായ ഈസാ നബിയുടെ (യേശു) ജനനതെ പറ്റിയും
മഹാനായ യഹ്യ നബിയുടെ (യോഹന്നാൻ) ജനനതെ പറ്റിയും. (Quran 3:38-49)

അവിടെ
യഹ്യ നബിയുടെ ജനനം പറയുമ്പോൾ
Allahu yaf'al maa Yashaa
(അല്ലാഹു ഉദ്ദേശിക്കുന്നത് ചെയ്യുന്നു) 
എന്നും
(3:40)

ഈസാ നബിയുടെ ജനനം പറയുമ്പോൾ
Allahu yahluq maa yashaa
(അല്ലാഹു ഉദ്ദേശിക്കുന്നത് സൃഷ്ടിക്കുന്നു)
എന്നും
(3:47)

ആണ് ഖുർആൻ പറയുന്നത്.

(Quran 3:40)
അദ്ദേഹം (യഹിയയുടെ പിതാവ് സകരിയ)
പറഞ്ഞു: എന്‍റെ രക്ഷിതാവേ, എനിക്കെങ്ങനെയാണ് ഒരു ആണ്‍കുട്ടിയുണ്ടാവുക? എനിക്ക് വാര്‍ദ്ധക്യമെത്തിക്കഴിഞ്ഞു. എന്‍റെ ഭാര്യയാണെങ്കില്‍ വന്ധ്യയാണു താനും. അല്ലാഹു പറഞ്ഞു: അങ്ങനെതന്നെയാകുന്നു;
അല്ലാഹു താന്‍ ഉദ്ദേശിക്കുന്നത് ചെയ്യുന്നു.

(Quran 3:47)
അവള്‍ (ഈസയുടെ മാതാവ് മര്‍യം) പറഞ്ഞു: എന്‍റെ രക്ഷിതാവേ, എനിക്ക് എങ്ങനെയാണ് കുട്ടിയുണ്ടാവുക? എന്നെ ഒരു മനുഷ്യനും സ്പര്‍ശിച്ചിട്ടില്ലല്ലോ. അല്ലാഹു പറഞ്ഞു: അങ്ങനെ ത്തന്നെയാകുന്നു. താന്‍ ഉദ്ദേശിക്കുന്നത് അല്ലാഹു സൃഷ്ടിക്കുന്നു. അവന്‍ ഒരു കാര്യം തീരുമാനിച്ചു കഴിഞ്ഞാല്‍ അതിനോട് ഉണ്ടാകൂ എന്ന് പറയുക മാത്രം ചെയ്യുന്നു. അപ്പോള്‍ അതുണ്ടാകുന്നു

കണ്ടല്ലോ ?
താൻ ഉദ്ദേശിക്കുന്നത് അവൻ സൃഷ്ടിക്കുന്നു
ഈസ സൃഷ്ടി ആണെന്ന് കൃത്യമായി പഠിപ്പിക്കുന്ന വചനം!!
മറ്റൊന്ന് നോക്കൂ

അല്ലാഹുവിന്റെ ഉണ്ടാകുക എന്ന വചനം (kun) മുഖേന സൃഷ്ടിക്കപ്പെട്ടവരാണ്  ഈസയും ആദമും
(3:47) (3:59)

(Quran 3:47)
അവന്‍ ഒരു കാര്യം തീരുമാനിച്ചു കഴിഞ്ഞാല്‍ അതിനോട് ഉണ്ടാകൂ എന്ന് പറയുക മാത്രം ചെയ്യുന്നു. അപ്പോള്‍ അതുണ്ടാകുന്നു

(Quran 3:59)
അല്ലാഹുവെ സംബന്ധിച്ചിടത്തോളം ഈസായെ ഉപമിക്കാവുന്നത് ആദമിനോടാകുന്നു. അവനെ
മണ്ണില്‍ നിന്നും അവന്‍ സൃഷ്ടിച്ചു. പിന്നീട് അതിനോട് ഉണ്ടാകൂ എന്ന് പറഞ്ഞപ്പോള്‍ അവന്‍ അതാ ഉണ്ടാകുന്നു.‎

അല്ലാഹുവിന് ഒരിക്കലും ഒരു പുത്രനെ ജനിപ്പിക്കേണ്ട ആവശ്യം ഇല്ല.
ഈസ അല്ലാഹുവിന്റെ പുത്രൻ അല്ല. മറിച് താന് ഉണ്ടാകുക എന്ന് പറഞപ്പോ ഉണ്ടായ ഒരു സൃഷ്ടി മാത്രം ആണ് എന്ന് ഖുർആൻ.

(Quran 19:35 )
ഒരു സന്താനത്തെ സ്വീകരിക്കുക എന്നത് അല്ലാഹുവിന്നുണ്ടാകാവുന്നതല്ലഅവന് എത്ര പരിശുദ്ധന്!
അവന് ഒരു കാര്യം തീരുമാനിച്ച് കഴിഞ്ഞാല് അതിനോട് ഉണ്ടാകൂ എന്ന് പറയുക മാത്രംചെയ്യുന്നു. അപ്പോള് അതുണ്ടാകുന്നു.

(Quran 2:116-117)
അവര് പറയുന്നു: അല്ലാഹു സന്താനത്തെ സ്വീകരിച്ചിരിക്കുന്നു എന്ന്. അവനെത്ര പരിശുദ്ധന്! അങ്ങനെയല്ല, ആകാശഭൂമികളിലുള്ളതെല്ലാം തന്നെ അവന്റെതാകുന്നു.
എല്ലാവരും അവന്ന് കീഴ്പെട്ടിരിക്കുന്നവരാകുന്നു.ആകാശങ്ങളെയും ഭൂമിയെയും മുന് മാതൃകയില്ലാതെ നിര്മിച്ചവനത്രെ അവന്.
അവനൊരു കാര്യം തീരുമാനിച്ചാല്ഉണ്ടാകൂ എന്ന് പറയുക മാത്രമേ വേണ്ടതുള്ളൂ. ഉടനെ അതുണ്ടാകുന്നു.

ഈസ അല്ലാഹുവിന്റെ ഘടകമോ അല്ലാഹുവിന് തുല്യനോ ആകില്ല എന്ന് തെളിയിക്കുന്ന മറ്റൊരു വചനം കാണുക:

ഈസ അല്ലാഹുവിന്റെ ഉദ്ദേശം അനുസരിച്ച് അവൻ സൃഷ്ടിച്ച ഒരു സൃഷ്ടി മാത്രം ആണ്:
ഈസയെയും മറിയമിനെയും ഭൂമിയില് ഉള്ള മുഴുവനും അല്ലാഹുവിന് നശിപ്പിക്കാൻ സാധിക്കും ! അങ്ങനെ അവൻ പ്രവർത്തിച്ചാല് ആ പ്രവൃത്തിയില് നിന്നും ഒരുവനും അല്ലാഹുവിനെ തടയാൻ കഴിയില്ല!

(Quran 5:17)
മര്യമിന്റെ മകന് മസീഹ് തന്നെയാണ് അല്ലാഹു എന്ന് പറഞ്ഞവര് തീര്ച്ചയായും അവിശ്വാസികളായിരിക്കുന്നു. (നബിയേ,)
പറയുക: മര്യമിന്റെ മകന് മസീഹിനെയും അദ്ദേഹത്തിന്റെ മാതാവിനെയും, ഭൂമിയിലുള്ള മുഴുവന് പേരെയും അല്ലാഹു നശിപ്പിക്കാന് ഉദ്ദേശിക്കുകയാണെങ്കില് അവന്റെ വല്ല നടപടിയിലും സ്വാധീനം ചെലുത്താന് ആര്ക്കാണ് കഴിയുക? ആകാശങ്ങളുടെയും, ഭൂമിയുടെയും, അവയ്ക്കിടയിലുള്ളതിന്റെയും എല്ലാം ആധിപത്യം അല്ലാഹുവിന്നത്രെ.അവന് ഉദ്ദേശിക്കുന്നത് അവന് സൃഷ്ടിക്കുന്നു. അല്ലാഹു ഏത് കാര്യത്തിനും കഴിവുള്ളവനത്രെ

ക്രൈസ്തവർ ഇന്ന് ഈസയുടെ മേലെ കെട്ടി വെച് പൂജിക്കുന്ന കാര്യങ്ങള് ഈസ നബിക് ഒരിക്കലും പറയാൻ അർഹത ഇല്ലാത്ത കാര്യങ്ങള് ആണ്:

(Quran 5:116)
അല്ലാഹു പറയുന്ന സന്ദര്ഭവും (ശ്രദ്ധിക്കുക.) മര്യമിന്റെ മകന് ഈസാ, അല്ലാഹുവിന് പുറമെ എന്നെയും, എന്റെ മാതാവിനെയും ദൈവങ്ങളാക്കിക്കൊള്ളുവിന്. എന്ന് നീയാണോ ജനങ്ങളോട് പറഞ്ഞത്?അദ്ദേഹം പറയും: നീയെത്ര പരിശുദ്ധന്!
എനിക്ക് (പറയാന്) യാതൊരു അവകാശവുമില്ലാത്തത് ഞാന് പറയാവതല്ലല്ലോ?ഞാനത് പറഞ്ഞിരുന്നെങ്കില് തീര്ച്ചയായും നീയത് അറിഞ്ഞിരിക്കുമല്ലോ. എന്റെ മനസ്സിലുള്ളത് നീ അറിയും. നിന്റെ മനസ്സിലുള്ളത് ഞാനറിയില്ല. തീര്ച്ചയായും നീ തന്നെയാണ് അദൃശ്യകാര്യങ്ങള് അറിയുന്നവന്.

(Quran 43:59-60)
അദ്ദേഹം (ഈസ) നമ്മുടെ ഒരു ദാസന്‍ മാത്രമാകുന്നു.അദ്ദേഹത്തിന് നാം അനുഗ്രഹം നല്‍കുകയും അദ്ദേഹത്തെ ഇസ്രായീല്‍ സന്തതികള്‍ക്ക് നാം ഒരു മാതൃകയാക്കുകയും ചെയ്തു.‎
നാം ഉദ്ദേശിച്ചിരുന്നെങ്കില്‍ നിങ്ങളുടെ പിന്‍തലമുറയായിരിക്കത്തക്കവിധം നിങ്ങളില്‍ നിന്നു തന്നെ നാം മലക്കുകളെ ഭൂമിയില്‍ ഉണ്ടാക്കുമായിരുന്നു.

ഈസ അല്ലാഹുവിന്റെ ദാസൻ മാത്രം ആണെന്ന്!!
ഈസ അല്ലാഹുവിന്റെ ദാസനാണു എന്നും
ഈസയുടെ ജനനത്തെ മറ്റുള്ളവരിൽ നിന്നും വ്യത്യസ്തമായി *സൃഷ്ടിക്കുന്നു* എന്ന് എടുത്തു പറയുന്നത് ആയും നമ്മൾ കണ്ടു കഴിഞ്ഞു.
ഇത്രയും വചനങ്ങള് കൊണ്ടു വളരെ വ്യക്തമായി തെളയുന്ന കാര്യം ആണ് ഈസ എല്ലാവരെയും പോലെ ഒരു സൃഷ്ടി മാത്രം ആണെന്ന്.
പിന്നെ ഇവരുടെ  ഭാവനയില് മെനഞെടുക്കും പോലെ
"ഓംഹ്രീം ഈസ ഉണ്ടാകട്ടെ"
എന്ന് ഒക്കെ പറയുന്ന വചനം ഒന്നും ഖുർആനില് കാണിക്കാൻ പറ്റില്ലലോ.
അത് കൊണ്ടു തന്നെ ആണല്ലോ അത്തരം വിവരകേട് ചോദിക്കുന്നതും.

Critic No-2അല്ലാഹുവിന്‍െറ അനുമതിയോടെ ഈസാ കളിമണ്ണ് കൊണ്ട് പക്ഷിയെ സൃഷ്ടിച്ചു.സൃഷ്ടി നടത്തുവന്‍ സൃഷ്ടാവല്ലാതെ പിന്നെ ആരാണ്?അതെ ഈസാ സൃഷ്ടാവ് തന്നെ...

ആ വചനം നമുക്ക് ഒന്ന് പരിശോധിക്കാം. അവിടെ എന്താണ് പറയുന്നത്?


(Holy Quran 3:49)
ഇസ്രായീൽ സന്തതികളിലേക്ക് (ഈസയെ) ദൂതനായി നിയോഗിക്കുകയും ചെയ്യും. അവൻ അവരോട് പറയും:
നിങ്ങളുടെ രക്ഷിതാവിങ്കൽ നിന്നുള്ള ദൃഷ്ടാന്തവും കൊണ്ടാണ് ഞാൻ നിങ്ങളുടെ അടുത്ത് വന്നിരിക്കുന്നത്. പക്ഷിയുടെ ആകൃതിയിൽ ഒരു കളിമൺ രൂപം നിങ്ങൾക്കു വേണ്ടി ഞാൻ ഉണ്ടാക്കുകയും, എന്നിട്ട് ഞാനതിൽ ഊതുമ്പോൾ അല്ലാഹുവിന്റെ അനുവാദപ്രകാരം അതൊരു പക്ഷിയായി തീരുകയും ചെയ്യും.


പ്രധാനമായും ഇവിടെ 3 കാര്യങ്ങള്‍ ആണ് പറയുന്നത്:

1. അല്ലാഹു ഇസ്രയേല്‍ മക്കളിലേക് പ്രവാചകൻ ആയി അയച്ച ഒരു വ്യക്തി ആണ് ഈസ (സൃഷ്ടാവ് അല്ല) 
2. ഈസ സ്വയമേ തന്നെപറയുന്നു : ഞാന്‍ വന്നിരിക്കുന്നത് നിങ്ങളുടെ ദൈവത്തിങ്കല് നിന്ന് ഉള്ള അല്ഭുതവും/അടയാളം/ദൃഷ്ടാന്തം കൊണ്ടാണ്. (എന്റെ സ്വന്തം അല്ല) 
3. ഞാന്‍ മണ്ണു കൊണ്ടു പക്ഷിയുടെ രൂപം  ഉണ്ടാക്കി ഞാന്‍ അതില്‍ ഊതുമ്പോൾ ആ  രൂപം ഒരു പക്ഷി ആകണം എങ്കില്‍ അല്ലാഹുവിന്റെ അനുവാദം വേണം. (ജീവൻ കൊടുക്കുന്നത് അല്ലാഹു. ഈസ അല്ല) 

അപ്പോൾ ആരാണ് സൃഷ്ടാവ് ? ഈസയോ ?
ഇത്തരം അനേകം  തട്ടിപ്പുകൾ കാണിച്ചു തന്നെ
ആണ്  മിഷനറികൾ ബൈബിളിലെ "ഈസ" യെ
ദൈവം ആക്കാൻ നോക്കുന്നത് എന്ന് ആര്ക് ആണ് അറിയാത്തത് ?
വിശുദ്ധ ഖുർആൻ  ഈ സംഭവം ഒന്ന് കൂടി വ്യക്തമാക്കുന്നത് വീണ്ടും കാണുക :

ഈസ ചെയ്ത എല്ലാ അല്ഭുതങളും ഈസയുടെ സ്വന്തം "വഹ" അല്ല 
അല്ലാഹുവിന്റെ അനുവാദം കൊണ്ടു മാത്രം ആണ് അടിവര ഇട്ടു തെളിയിക്കുന്ന വചനം ആണിത് :

(Holy Quran 5:110)
അല്ലാഹു പറഞ്ഞ സന്ദര്‍ഭം (ശ്രദ്ധേയമാകുന്നു.) മര്‍യമിന്‍റെ മകനായ ഈസാ! തൊട്ടിലില്‍ വെച്ചും, മദ്ധ്യവയസ്കനായിരിക്കെയും നീ ജനങ്ങളോട് സംസാരിക്കവെ, പരിശുദ്ധാത്മാവ് മുഖേന നിനക്ക് ഞാന്‍ പിന്‍ബലം നല്‍കിയ സന്ദര്‍ഭത്തിലും, ഗ്രന്ഥവും ജ്ഞാനവും തൌറാത്തും ഇന്‍ജീലും നിനക്ക് ഞാന്‍ പഠിപ്പിച്ചുതന്ന സന്ദര്‍ഭത്തിലും, എന്‍റെ അനുമതി പ്രകാരം കളിമണ്ണ് കൊണ്ട് നീ പക്ഷിയുടെ മാതൃകയില്‍ രൂപപ്പെടുത്തുകയും, എന്നിട്ട് നീ അതില്‍ ഊതുമ്പോള്‍ എന്‍റെ അനുമതി പ്രകാരം അത് പക്ഷിയായിത്തീരുകയും ചെയ്യുന്ന സന്ദര്‍ഭത്തിലും, എന്‍റെ അനുമതി പ്രകാരം ജന്‍മനാ കാഴ്ചയില്ലാത്തവനെയും, പാണ്ഡുരോഗിയെയും നീ സുഖപ്പെടുത്തുന്ന സന്ദര്‍ഭത്തിലും, എന്‍റെ അനുമതി പ്രകാരം നീ മരണപ്പെട്ടവരെ പുറത്ത് കൊണ്ട് വരുന്ന സന്ദര്‍ഭത്തിലും, നീ ഇസ്രായീല്‍ സന്തതികളുടെ അടുത്ത് വ്യക്തമായ തെളിവുകളുമായി ചെന്നിട്ട് അവരിലെ സത്യനിഷേധികള്‍ ഇത് പ്രത്യക്ഷമായ മാരണം മാത്രമാകുന്നു. എന്ന് പറഞ്ഞ അവസരത്തില്‍ നിന്നെ അപകടപ്പെടുത്തുന്നതില്‍ നിന്ന് അവരെ ഞാന്‍ തടഞ്ഞ സന്ദര്‍ഭത്തിലും ഞാന്‍ നിനക്കും നിന്‍റെ മാതാവിനും ചെയ്ത് തന്ന അനുഗ്രഹം ഓര്‍ക്കുക.!!

പക്ഷിയെ ഉണ്ടാക്കിയതും അല്ലാഹുവിന്റെ അനുമതി കൊണ്ട്.
അത് പക്ഷി ആയി തീർന്നതും അല്ലാഹുവിന്റെ അനുമതി കൊണ്ട്.
പറയു ? ആരാണ് സൃഷ്ടാവ്? ഈസയോ ?
ഇനി ഈസ ഇങ്ങനെ ഒരു അത്ഭുതം ചെയ്തു:
പക്ഷിക്ക് ജീവൻ വന്നു
അത് കൊണ്ടു ദൈവം ആണ് എന്ന വാദം ഉണ്ടോ?
എങ്കില്‍ ആദ്യം നിങ്ങള്‍
അബ്രഹാമിനെ അല്ലേ ദൈവം ആയി ആരാധിക്കേണ്ടത്?

അല്ലാഹുവിന്റെ അനുമതി പ്രകാരം
പ്രവാചകനായ ഇബ്രാഹിം (അബ്രഹാം)
4 പക്ഷികളെ എടുക്കുകയും ശേഷം
അവയെ കൊന്ന് പല  കഷ്ണങള് ആയി അറുക്കുകയും എന്നിട്ട് അവയെ
വ്യത്യസ്തങളായ പർവ്വത ശിഖരങളില് കൊണ്ടു പോയി സ്ഥാപിക്കുകയും
അതിനു ശേഷം അവയെ വിളിക്കുകയും ചെയ്തപ്പോള്‍
ആ 4 പക്ഷികളും ഒന്നടങ്കം
അബ്രഹാമിനടുക്കലേക്ക് തിരിച്ച് വന്നു
എന്ന് വിശുദ്ധ ഖുർആൻ (2:260) ല് പറയുന്നു


ഇനി ബൈബിളിലേക് പോയാലോ ?
സ്മശാനത്തിലെ 
നൂറ്റാണ്ടുകള് പഴക്കം ഉള്ള 
ദ്രവാസ്ഥികളെ ദൈവത്തിന്റെ അനുമതി പ്രകാരം നാഡികളും  മാംസങ്ങളും ഇട്ടു കൊടുത്തു ജീവിപ്പിച്ച പ്രവാചകൻ ആണ് എസകിയെൽ  എന്ന് ബൈബിള്‍ പറയുന്നു (Ezekiel 37:1-10)  

യേശു ഇങ്ങനെ എന്ന് എങ്കിലും ചെയ്തുവോ??
ഇവര് ഒക്കെ അല്ലേ ദൈവങള് ആകാൻ ആദ്യം
അപേക്ഷ കൊടുക്കേണ്ടത്???
എന്നാൽ നമുക്ക് അറിയാം :
പ്രവാചകൻമാർ അവരുടെ ദൗത്യത്തിന്റെ ഭാഗമായി പല മഹാത്ഭുതങ്ങളും പ്രവർത്തിച്ചിട്ടുണ്ട്.
എന്നാൽ അവയൊന്നും അവരുടെ സ്വന്തം കഴിവിനാല് അല്ല. ദൈവം മുഖേന പ്രവർത്തിച്ചതാണ് എന്ന്.
പ്രവാചകൻ ആയ മോശെയുടെ  വടി ജീവൻ ഉള്ള സർപ്പമായതും
(Exodus 4:1-4)
പ്രവാചകൻ ആയ ഏലിയാവ്  മരിച്ച കുട്ടിയെ ജീവിപ്പിച്ചതും
(1King 17:18-23)
പ്രവാചകൻ ആയ എലിശ മരിച്ച കുട്ടിയെ ജീവിപ്പിച്ചതും
(2King 4:32-37)
എല്ലാം ദൈവത്തിന്റെ കഴിവ് കൊണ്ട് ആണെന്ന്
വിശ്വസിക്കുന്നവർ യേശുവിന്റെ കാര്യം വരുമ്പോൾ
അതെല്ലാം യേശു ഒറ്റക്ക് ചെയ്തു എന്ന് വിശ്വസിക്കുന്നു.
അവിടെ ദൈവം Out.

എന്നാൽ യേശു ചെയ്ത അത്ഭുതങ്ങൾ എല്ലാം 
ദൈവം യേശുവിനെ കൊണ്ട് ചെയ്യിച്ചതാണ് എന്ന്
ബൈബിൾ.!
(Acts 2:22)

യേശു പറയുന്നത് കാണുക :

(John 5:30)
എനിക്കു സ്വതേ ഒന്നും ചെയ്‍വാൻ കഴിയുന്നതല്ല; ഞാൻ കേൾക്കുന്നതുപോലെ ന്യായം വിധിക്കുന്നു; ഞാൻ എന്റെ ഇഷ്ടം അല്ല, എന്നെ അയച്ചവന്റെ ഇഷ്ടമത്രേ ചെയ്‍വാൻ ഇച്ഛിക്കുന്നതുകൊണ്ടു എന്റെ വിധി നീതിയുള്ളതു ആകുന്നു.

(John 12:49)
ഞാൻ സ്വയമായി സംസാരിച്ചിട്ടില്ല; എന്നെ അയച്ച പിതാവു തന്നേ ഞാൻ ഇന്നതു പറയേണം എന്നും ഇന്നതു സംസാരിക്കേണം എന്നും കല്പന തന്നിരിക്കുന്നു.

(John 13:16)
ആമേൻ, ആമേൻ ഞാൻ നിങ്ങളോടു പറയുന്നു: ദാസൻ യജമാനനെക്കാൾ വലിയവൻ അല്ല; ദൂതൻ തന്നെ അയച്ചവനെക്കാൾ വലിയവനുമല്ല.

അത് പോലെ യേശു പറയുന്നു: ഞാൻ ദൈവാത്മാവിനെ കൊണ്ട് ആണ് പിശാചുക്കളെ പുറത്താക്കുന്നത്. 
(Mathew 12:28)

യേശു മരിച്ച ലാസറിനെ ജീവിപ്പിക്കുന്നത് 
ആരുടെ കഴിവിനാൽ എന്ന് കാണുക :

(John 11:41-43)
അവർ കല്ലു നീക്കി. യേശു മേലോട്ടു നോക്കി: പിതാവേ, നീ എന്റെ അപേക്ഷ കേട്ടതിനാൽ ഞാൻ നിന്നെ വാഴ്ത്തുന്നു.നീ എപ്പോഴും എന്റെ അപേക്ഷ കേൾക്കുന്നു എന്നു ഞാൻ അറിഞ്ഞിരിക്കുന്നു; എങ്കിലും നീ എന്നെ അയച്ചു എന്നു ചുറ്റും നില്ക്കുന്ന പുരുഷാരം വിശ്വസിക്കേണ്ടതിന്നു അവരുടെ നിമിത്തം ഞാൻ പറയുന്നു എന്നു പറഞ്ഞു.
ഇങ്ങനെ പറഞ്ഞിട്ടു അവൻ: ലാസരേ, പുറത്തുവരിക എന്നു ഉറക്കെ വിളിച്ചു.!

അതെ!! ദൈവത്തിന്റെ കഴിവിനാൽ.!!

Critic No-3
അബ്രഹാം പക്ഷികളെ കൊനനു....പിന്നെ അവ ജീവിച്ചു. അതാണോ സൃഷ്ടി? അല്ല.
എന്താണ് സൃഷ്ടി?
ഇല്ലാഴ്മയില്‍ നിനനും ഉളവാക്കുക...
ഈസാ കളിമണ്ണ് കൊണ്ട് അല്ലാഹുവിന്‍െറ അനുമതിയോടെ പക്ഷിയെ സൃഷ്ടിച്ചു....
ആ പക്ഷി ആദൃമായിട്ട് സൃഷ്ടി പ്രാപിചു.....
അപ്പോള്‍ ഈസാ ആര്? സൃഷ്ടാവ്.....അല്ലേ?
അതെ..അപ്പോള്‍ സൃഷ്ടാവ് മൊത്തം എത്ര?
രണ്ട്.
ഒനന് അല്ലാഹു...
രണ്ട് അല്ലാഹുവിന്‍െറ അനുമതിയോടെ ഈസാ.

ഈസ കളിമണ്ണ് കുഴച്ചു ഊതി പക്ഷിയെ ഉണ്ടാക്കി
അല്ലാഹു കളിമണ്ണ് കുഴച്ചു ഊതി ആദമിനെ ഉണ്ടാക്കി.
അത് രണ്ടും ഒരുപോലെ ആണ്.
ദൈവത്തിന്റെ പ്രവർത്തനം ആണ് സൃഷ്ടി നടത്തുക എന്നത്. യേശു അങ്ങനെ സൃഷ്ടി നടത്തി.
അത് കൊണ്ട് യേശു ദൈവം/സൃഷ്ടാവ് ആണ്.
ഇതാണ് നിങ്ങളുടെ  വാദം:
എങ്കിൽ കുറച്ചു കാര്യങ്ങൾ കൂടി പഠിപ്പിച്ചു തരാം:

ദൈവത്തിന്റെ കഴിവിൽ പെട്ടതാണ് സൃഷ്ടി നടത്തൽ. അത് പോലെ തന്നെ മരിപ്പിക്കുക, ഉയർത്തെഴുന്നേൽപ്പിക്കുക, തുടങ്ങിയവ ഒക്കെ ദൈവത്തിന്റെ കഴിവിൽ പെട്ടതാണ്.
എന്നാൽ ഈ പ്രവർത്തനങ്ങളിൽ പലതും ദൈവ കല്പന പ്രകാരം  ദൈവത്തിന്റെ അനുമതി മുഖേന മനുഷ്യരായ പ്രവാചകൻമാർ ചെയ്തിട്ടുണ്ട്.
അത് കൊണ്ട് അവർ ദൈവം ആകില്ല.
കാരണം അവർക്ക് ദൈവത്തിന്റെ അനുമതി ഇല്ലാതെ സ്വന്തം കഴിവിനാൽ ഇതൊന്നും ചെയ്യാൻ സാധ്യമല്ല എന്നത് തന്നെ.

യേശു ഒരു പക്ഷിയുടെ രൂപം ഉണ്ടാക്കി
അതിൽ ഊതിയപ്പോൾ പക്ഷി ആയ സംഭവം
അല്ലാഹു ആദംനെ സൃഷ്ടിച്ച സംഭവം ആയി സാമ്യം ഉണ്ട് എന്നും അത് കൊണ്ട് യേശു സൃഷ്ടാവ്
ആണെന്നും പറയുന്നവരോട് ചോദിക്കട്ടെ:

അബ്രഹാം 4 പക്ഷികളെ 
ഉയിർത്തെഴുന്നേൽപ്പിച്ചത് (2:260)
ദൈവം അന്ത്യനാളിൽ മനുഷ്യരെ ഉയിർപ്പിക്കുന്നതിനോടും സാമ്യം ഉണ്ട് അല്ലോ?
അത് കൊണ്ട് അബ്രഹാം ദൈവം ആകുമോ ?

ദൈവം ആണ് സൃഷ്ടികളെ ഉയിർത്ത് എഴുന്നേൽപിക്കുന്നത് എന്ന്
ബൈബിളും ഖുർആനും പറയുന്നുണ്ടല്ലോ.

(1 Corinthiar 6:14)
എന്നാൽ ദൈവം കർത്താവിനെ ഉയിർപ്പിച്ചതുപോലെ നമ്മെയും തന്റെ ശക്തിയാൽ ഉയിർപ്പിക്കും.

(Quran 36:78-79)
അവന്‍ നമുക്ക് ഒരു ഉപമ എടുത്തുകാണിക്കുകയും ചെയ്തിരിക്കുന്നു. തന്നെ സൃഷ്ടിച്ചത് അവന്‍ മറന്നുകളയുകയും ചെയ്തു. അവന്‍ പറഞ്ഞു: എല്ലുകള്‍ ദ്രവിച്ച് പോയിരിക്കെ ആരാണ് അവയ്ക്ക് ജീവന്‍ നല്‍കുന്നത്‌?‎പറയുക: ആദ്യതവണ അവയെ ഉണ്ടാക്കിയവനാരോ അവന്‍ തന്നെ അവയ്ക്ക് ജീവന്‍ നല്‍കുന്നതാണ്‌. അവന്‍ എല്ലാതരം സൃഷ്ടിപ്പിനെപ്പറ്റിയും അറിവുള്ളവനത്രെ

ഈ വാക്യം പ്രകാരം
എസക്കിയെൽ നുരുമ്പിച്ച അസ്ഥികൾക്ക് മാംസം പൊതിഞ്ഞു ഉയിർപ്പിച്ചത് കൊണ്ട്
(Ezekiel 37:1-10) 
എസകിയെൽ ദൈവം ആകുമോ?

ഇത്രയും ദുർബലമായ വാദങ്ങൾ ആണ് യേശുവിനെ ദൈവം ആക്കാൻ നിങ്ങൾ കണ്ടെത്തുന്നത് എന്ന്  കാണുമ്പോൾ സഹതാപം ആണ് തോന്നുന്നത്.

പറയു ?
ഈസ (a) ആണോ സൃഷ്ടാവ് ?
ഈസ ആ പക്ഷിയുടെ
രൂപം ഉണ്ടാക്കി ഊതുക മാത്രമേ ഉണ്ടായുള്ളൂ അതിലേക്ക് ജീവനെ നൽകിയത് അല്ലാഹു ആണ്.
അത് പക്ഷി ആയത് അല്ലാഹുവിന്റെ അനുമതി പ്രകാരം ആണ്. മോശെയുടെ വടി മാത്രമേ
മോശയുടെത് ആയി ഉള്ളൂ ആ വടിയെ സർപ്പം
ആക്കിയത് അല്ലാഹു ആണ്.
യേശു ഒറ്റക്ക് ഒരു പക്ഷിയെ ഉണ്ടാക്കി
അതിനു സ്വന്തം ആയി ജീവാത്മാവിനെ
ഊതുകയാണ് ഉണ്ടായത് എന്ന് ആണ് നിങ്ങളുടെ വാദം എങ്കിൽ കഴമ്പ് ഉണ്ടാകുമായിരുന്നു
എന്നാൽ ഇവിടെ അതിന്റെ സൃഷ്ടാവ് അല്ലാഹു തന്നെ ആണ്.
ഒരിക്കൽ കൂടി പറയട്ടെ ഇത് പോലെ ദുർബലമായ വാദങ്ങൾ കൊണ്ട് വന്നാണ് നിങ്ങൾ
നിങ്ങളുടെ ബൈബിളിൽ നിന്നു പോലും യേശുവിനെ
ദൈവം ആക്കാൻ ശ്രമിക്കുന്നത്.

(Quran 3:49)
ഇസ്രായീൽ സന്തതികളിലേക്ക് (ഈസയെ)
ദൂതനായി നിയോഗിക്കുകയും ചെയ്യും. അവൻ അവരോട് പറയും: )
നിങ്ങളുടെ രക്ഷിതാവിങ്കൽ നിന്നുള്ള ദൃഷ്ടാന്തവും* കൊണ്ടാണ് ഞാൻ നിങ്ങളുടെ അടുത്ത് വന്നിരിക്കുന്നത്. പക്ഷിയുടെ ആകൃതിയിൽ ഒരു കളിമൺ രൂപം നിങ്ങൾക്കു വേണ്ടി ഞാൻ ഉണ്ടാക്കുകയും, എന്നിട്ട് ഞാനതിൽ ഊതുമ്പോൾ അല്ലാഹുവിൻറെ അനുവാദപ്രകാരം അതൊരു പക്ഷിയായി  തീരുകയും ചെയ്യും.

(Quran 5:110)
എന്റെ അനുമതി  പ്രകാരം നീ കളിമണ്ണ് കൊണ്ടു പക്ഷിയുടെ മാതൃകയില് രൂപപ്പെടുത്തുകയും എന്നിട്ട് നീ അതില്‍ ഊതുമ്പോള്
എന്റെ അനുമതി പ്രകാരം അത് ഒരു പക്ഷി ആയി തീരുകയും ചെയ്ത സന്ദര്‍ഭത്തിലും

അല്ലാഹുവിന്റെ അനുമതി (Permission) പ്രകാരം
ആ പക്ഷിക്ക് ജീവൻ ഉണ്ടായി.

ഈസ (a)  പക്ഷിയെ ഉണ്ടാക്കി 
ഊതിയാൽ ജീവൻ കിട്ടുമായിരുന്നു. എന്ന് ആണോ അവിടെ പറയുന്നത്?
ഇബ്രഹിം (a) 4 പക്ഷികളെ കഷ്ണങ്ങൾ ആക്കിയ
ശേഷം പർവത ശിഖരങളിൽ കൊണ്ട് വെക്കുകയും
ശേഷം അവയെ തിരികെ വിളിച്ചപ്പോൾ അവ കൂടി ചേർന്ന് അദ്ദേഹത്തിന്റെ അടുക്കലേക്ക് വന്നതും
ഇബ്രാഹിമിന്റ കഴിവ് ആണോ ?
മോശയുടെ വടി പാമ്പ് ആയതു
മോശയുടെ കഴിവ് കൊണ്ട് ആണോ ?
ഉണങ്ങിയ  ദ്രവഅസ്ഥികൾക്ക് മാംസം ഇട്ടു കൊടുത്ത ശേഷം ആ നൂറ്റാണ്ടുകൾ പഴക്കം ഉള്ള ശവ ശരീരത്തെ പുനരുജ്ജീവിപ്പിച്ചത്
(Ezekiel 37:1-10) എസകിയേൽ പ്രവാചകൻന്റെ
കഴിവ് കൊണ്ട് ആണോ ?
ഇവിടെ എല്ലാം അല്ല. !!!
ദൈവം ആണ് പ്രവർത്തിച്ചത്
എന്ന് ആണ് ഉത്തരം
എങ്കിൽ? കളിമണ്ണ് കുഴച്ചു അല്ലാഹുവിന്റെ കഴിവിനാല് പക്ഷിയെ ഉണ്ടാക്കിയ യേശു മാത്രം എന്റെ എങ്ങനെ
ആണ് ലോക സൃഷ്ടാവ് ആകുന്നത് ?
മനുഷ്യൻ ഇവിടെ ഹ്യൂമനോയിട്
റോബോട്ട് കളെ വരെ ഉണ്ടാക്കി.
എന്ത് ഗുണം അല്ലേ?
പണ്ടായിരുന്നു എങ്കിൽ നിങ്ങൾ
യേശുവിനെ പോലെ ചില്ലു കൂടിനകത്ത് വെച്ചേനെ.

Critic No-4അദ്ദേഹം കളിമണ്ണ് കൊണ്ട  പക്ഷിയുടെ രൂപം ഉണ്ടാക്കുക മാത്രമല്ല.
ഉണ്ടാക്കിയ ശേഷം എന്ത ചെയ്തു?
അവന്‍ അതിന്‍െറ മേല്‍ ഊതി....
അവന്‍െറ ശ്വാസം അതിന്‍െറ ഉളളിള്ല്‍ പ്രവേശിച്ചപ്പോള്‍ അത് ഒരു ജീവനുളള പക്ഷിയായി തീര്‍നനു....
അല്ലാഹു അവന് അനുമതി നല്‍കി എനനു മാത്രം...
അബ്രഹാം പക്ഷിയെ സൃഷ്ടിച്ചുവോ?
ഇല്ല...
യെഹിസ്കയേല്‍ മനുഷൃനെ സൃഷ്ടിച്ചുവോ?
ഇല്ല..
മൂസാ പാമ്പ്നെ സൃഷ്ടിച്ചുവോ?
ഇല്ല.....  വടി നിലത്തിട്ടു.....
അവന് പാമ്പ് ആയി തോന്നി..
ദൈവം ആദാമിനെ സൃഷ്ടിച്ചതും ഏത് വിധം?
കളിമണ്ണ് കൊണ്ട്  മനുഷൃന്‍െറ രൂപം മെനഞ്ഞു എന്നിട്ട് ദൈവം അതിന്‍െറ മേല്‍ ഊതിയപ്പോള്‍ അത് ജീവനുളള ദേഹിയായി തീര്‍നനു...
ദൈവത്തിര്ന്‍െറ ശ്വാസം അതിന്‍െറ ഉളളില്‍ പ്രേവേശിച്ചപ്പോള്‍ പ്രതിമക് ജീവന്‍ വച്ചു.....
ഈസാ ചെയ്തതും അത് തന്നെ......ശരി അല്ലേ?
നിങ്ങള്‍ എത്ര തല കുത്തി മറിഞ്ഞാലും ശരി , കുര്‍ആന്‍ പ്രകാരം 100% ഈസാ സൃഷ്ടാവ് തന്നെ.....

അതാണ് ചോദ്യം :
നിങ്ങളുടെ വാദ പ്രകാരം യേശു ലോക സൃഷ്ടാവ് ആണ്. എങ്കിൽ ആ സൃഷ്ടാവിന് ഒരു പക്ഷിയെ കളിമണ്ണ് കൊണ്ട് ഉണ്ടാക്കി സൃഷ്ടിക്കുന്നതിന്നു അല്ലാഹുവിന്റെ അനുമതി വേണമോ? 
സൃഷ്ടാവ് അല്ലെ ?
എന്ത് കൊണ്ട് സ്വന്തം ആയി കഴിവ് ഇല്ല ?
അത് പോലെ തന്നെ ആ വചനത്തിന്
(Quran 5:110) താഴേക്കു വായിക്കുക :

യേശുവിനെ ശത്രുക്കൾ അപകടപ്പെടുത്താൻ നോക്കി. എന്നും അല്ലാഹു അതിൽ നിന്നും യേശുവിനെ
രക്ഷിച്ചു എന്നും ആണ് പറയുന്നത് !
ലോക സൃഷ്ടാവ് ആയ യേശുവിന് തന്നെ പോലും രക്ഷിക്കാൻ ഉള്ള കഴിവ് ഇല്ലയോ?

വീണ്ടും താഴേക്കു വായിക്കു (5:115-116)
യേശുവിനോട് തന്റെ ശിഷ്യന്മാർ
ആകാശത്തു നിന്നും ഭക്ഷണ തളിക ഇറക്കി തരാൻ
ദൈവത്തോട് പ്രാർത്ഥിക്കണം എന്ന് പറയുന്നു.
യേശു സൃഷ്ടാവ് ആണെങ്കിൽ യേശുവിന് സ്വന്തം ആയി ഭക്ഷണ തളിക സൃഷ്ടിക്കാൻ കഴിയണ്ടേ?
പക്ഷെ യേശു അല്ലഹുവിനോട് പ്രാർത്ഥിക്കുന്നു:

*ഞങ്ങളുടെ രക്ഷിതാവ് ആയ അല്ലാഹുവേ ഞങ്ങൾക്ക് നീ ആകാശത്തു നിന്നും ഒരു ഭക്ഷണ തളിക ഇറക്കി തരണമെ* (Quran 5:114)

അതെന്ത് കൊണ്ട് ആണെന്ന് അറിയാമോ ?
പറഞ്ഞു തരാം :

(Quran 13:38)
ഒരു ദൂതന്നും അല്ലാഹുവിന്‍റെ അനുമതിയോട് കൂടിയല്ലാതെ യാതൊരു ദൃഷ്ടാന്തവും കൊണ്ടുവരാനാവില്ല.

(Quran 40:78)
യാതൊരു ദൂതന്നും അല്ലാഹുവിന്‍റെ അനുമതിയോട് കൂടിയല്ലാതെ ഒരു ദൃഷ്ടാന്തം കൊണ്ടു വരാനാവില്ല.

അതെ. അതാണ് കാര്യം!!!

• അല്ലാഹുവിന്റെ അനുമതി ഇല്ലാതെ യേശുവിനു ഒന്നും ചെയ്യാൻ കഴിയില്ല !യേശു കളിമണ്ണ് കുഴച്ചു പക്ഷിയെ ഉണ്ടാക്കിയതുംമരിച്ചവരെ ജീവിപിച്ചത്തും അങ്ങനെ ചെയ്ത എല്ലാ അടയാളങ്ങളും അല്ലാഹുവിന്റെ ദൃഷ്ദാന്തം മുഖേന ചെയ്തതാണ്. (2:87) (2:253) സ്വന്തം കയ്യിൽ നിന്നും ഇട്ടത് അല്ല. 

(Quran 2:87) 
മൂസായ്ക്ക് നാം ഗ്രന്ഥം നല്‍കി. അദ്ദേഹത്തിന് ശേഷം തുടര്‍ച്ചയായി നാം ദൂതന്‍മാരെ അയച്ചുകൊണ്ടിരുന്നു. മര്‍യമിന്റെ മകനായ ഈസാക്ക് നാം വ്യക്തമായ ദൃഷ്ടാന്തങ്ങള്‍ നല്‍കുകയും, അദ്ദേഹത്തിന് നാം പരിശുദ്ധാത്മാവിന്റെ പിന്‍ബലം നല്‍കുകയും ചെയ്തു

(Quran 2:253) 
ആ ദൂതന്‍മാരില്‍ ചിലര്‍ക്ക് നാം മറ്റു ചിലരെക്കാള്‍ ശ്രേഷ്ഠത നല്‍കിയിരിക്കുന്നു. അല്ലാഹു (നേരില്‍) സംസാരിച്ചിട്ടുള്ളവര്‍ അവരിലുണ്ട്‌. അവരില്‍ ചിലരെ അവന്‍ പല പദവികളിലേക്ക് ഉയര്‍ത്തിയിട്ടുമുണ്ട്‌. മര്‍യമിന്റെമകന്‍ ഈസായ്ക്ക് നാം വ്യക്തമായ ദൃഷ്ടാന്തങ്ങള്‍ നല്‍കുകയും, പരിശുദ്ധാത്മാവ് മുഖേന അദ്ദേഹത്തിന് നാം പിന്‍ബലം നല്‍കുകയും ചെയ്തിട്ടുണ്ട്‌.

• യേശുവിനെയും സകലരെയും അള്ളാഹു ഉദ്ദേശിക്കുന്നപക്ഷം നശിപ്പിക്കാൻ കഴിയും.സൃഷ്‌ടാവിനെ നശിപ്പിക്കാൻ കഴിയില്ല.സൃഷ്ടിയെ നശിപ്പിക്കാൻ കഴിയും.

(Quran 5:17)
മര്‍യമിന്‍റെ മകന്‍ മസീഹിനെയും അദ്ദേഹത്തിന്‍റെ മാതാവിനെയും, ഭൂമിയിലുള്ള മുഴുവന്‍ പേരെയും അല്ലാഹു നശിപ്പിക്കാന്‍ ഉദ്ദേശിക്കുകയാണെങ്കില്‍ അവന്‍റെ വല്ല നടപടിയിലും സ്വാധീനം ചെലുത്താന്‍ ആര്‍ക്കാണ് കഴിയുക? ആകാശങ്ങളുടെയും, ഭൂമിയുടെയും, അവയ്ക്കിടയിലുള്ളതിന്‍റെയും എല്ലാം ആധിപത്യം അല്ലാഹുവിന്നത്രെ.അവന്‍ ഉദ്ദേശിക്കുന്നത് അവന്‍ സൃഷ്ടിക്കുന്നു.

കാരണം യേശു അല്ലാഹുവിന്റെ സൃഷ്ടി ആണ്. 
അള്ളാഹു ഉദ്ദേശിച്ചപ്പോൾ ഉണ്ടായ ഒരു സൃഷ്ടി
(5:17) (3:47).

അപ്പോൾ കാര്യങ്ങൾ മനസ്സിൽ ആയല്ലോ?
യേശു കളിമണ്ണ് കുഴച്ചു ഊതിയാൽ 
ജീവൻ വരില്ല.
അതിനു അല്ലാഹുവിന്റെ അനുമതി വേണം.

ഇനി വേറൊരു കാര്യം ബൈബിളിൽ
നിന്നും കാണിച്ചു തരാം :

(2Kings 13:20-21)
എലിശ മരിച്ചു. അവർ അവനെ സംസ്കരിച്ചു.
വസന്ത കാലത്തു മോവാബിയർ കൂട്ടമായി വന്നു ദേശം ആക്രമിച്ചു.
ഒരുവനെ സംസ്കരിക്കാൻ കൊണ്ട് പോകുമ്പോൾ അക്രമി സംഘത്തെ കണ്ടു അവർ ജഡം
എലീശായുടെ കല്ലറയിൽ എറിഞ്ഞു.എലിശയുടെ അസ്ഥികകളെ സ്പർശിച്ചപ്പോൾ ജഡം ജീവൻ പ്രാപിച്ചു എഴുന്നേറ്റു.

ഈ എലിശ പ്രവാചകനെ അല്ലെ യഥാർത്ഥത്തിൽ
നിങ്ളെ പോലെ ഉള്ള തരികിട നംബറുകൾ ഇട്ടു ദൈവം അല്ലാത്ത യേശുവിനെ പഠിച്ച പണി 18 നോക്കി ദൈവം ആക്കാൻ ശ്രമിക്കുന്നവർ ആരാധിക്കേണ്ടത് ?
കാരണം മരിച്ച എലിശയുടെ എല്ലുകൾക് പോലും 
മറ്റൊരു ശവ ശരീരത്തെ ജീവിപ്പിക്കാൻ ഉള്ള 
ദിവ്യ ശക്തി ഉണ്ടെന്നു  അല്ലെ മുകളിൽ കാണുന്നത്.
മറ്റൊന്നു പറയാൻ ഉള്ളത് ബൈബിളിൽ പഴയ നിയമ പുസ്തകം
Ezekiel 37:1-10 വരെ
വ്യക്തമായി വായിക്കണം എന്ന് ആണ്.
അവിടെ യഥാർത്ഥത്തിൽ
പുതിയൊരു സൃഷ്ടിപ്പ് തന്നെ ആണ് നടക്കുന്നത്.
2 ദിവസം പഴക്കം ഉള്ള ശവ ശരീരത്തെ ആണ്
യേശു ജീവിപ്പിച്ചത് എങ്കിൽ..
അവിടെ എസക്കിയേൽ പ്രവാചകൻ നൂറ്റാണ്ട്കൾ പഴക്കം ഉള്ള നുരുമ്പിച്ച അസ്ഥികൾക് നാഡികളും 
മാംസങ്ങളും പൊതിഞ്ഞു മനുഷ്യ കോലം ഉണ്ടാക്കിയ ശേഷം ജീവൻ കൊടുക്കുക ആണ്.

അത് പോലെ തന്നെ പിന്നെ മറ്റൊന്നു പറയാൻ
ഉള്ളത് മോശെയുടെ
അത്ഭുതം നിസാരവത്കരിച്ചതിനെ പറ്റി ആണ്
മോശയുടെ
വടി യഥാർത്ഥത്തിൽ പാമ്പ് ആകുകയാണ് ഉണ്ടായത്
(Living Creature)അതും സൃഷ്ടി തന്നെ ആണ്
കളിമണ്ണ് കുഴച്ചില്ല എന്നെ ഉള്ളൂ.

Critic No-5ഈസാ സൃഷ്ടി നടതതി...സൃഷ്ടി നടത്തുനനവന്‍ സൃഷ്ടാവ്....അല്ലാത്തവന്‍ പ്രവാചകന്‍...കണ്ണ തുറക്കൂ.....

യേശു ചെയ്തത് ഒക്കെ അല്ലാഹുവിന്റെ കഴിവിനാൽ 
അല്ലാഹുവിന്റെ അനുമതിയോടെ അല്ലാഹുവിന്റെ 
ദൃഷ്ടാന്തം മുഖേന: 
ഇതൊന്നും ഇല്ലാതെ യേശുവിനു സ്വന്തമായി
ഒരു ഈന്തപ്പന കുരു പോലും സൃഷ്ടിക്കാൻ പറ്റില്ല
എന്ന് ബൈബിളിൽ നിന്നു വരെ തെളിയിച്ചു തന്നു
ഇനി ഇപ്പോൾ യേശു പക്ഷിയെ അല്ല
ദിനോസർനെ സൃഷ്ടിചാലും എന്ത് പ്രസക്തി?
മറ്റൊരു കാര്യം എന്തെന്നാൽ..

യേശു ഒരു പക്ഷിയെ സൃഷ്ടിച്ചാൽ ലോക സൃഷ്ടാവ് ആകും എങ്കിൽ?
യേശു മുല കുടിക്കുന്നു (Luke 11:27),
വിശക്കുന്നു (Mark 11:12)(Mark 24: 41-43)
പരിച്ചേദന ചെയ്യുന്നു (Luke  2:23) 
യാത്ര ചെയ്തു ക്ഷീണിക്കുന്നു (John 4:6)
കരയുന്നു (John 11:35)
ഇതൊന്നും ദൈവത്തിന്റെ പ്രവർത്തനം അല്ലല്ലോ?
അപ്പോൾ യേശു തിരിച്ചു വീണ്ടും മനുഷ്യൻ ആകുമോ?

Critic No-6
അല്ലാഹുവിന്‍െറ അനുമതി ഉണ്ട്. അത് ഈസക്ക്  മാത്രം...എന്തേ?
ചിന്തിപ്പാന്‍ വിവേകമുണ്ടോ?
അല്ലാഹു അല്ലങ്കില്‍ ദൈവം എനനു പറഞ്ഞാല്‍ നിങ്ങളുടെ വികല സങ്കല്‍പ്പത്തിനും അപ്പുറമാണ്......
ഈസാ അല്ലാഹുവിന്‍െറ ഭാഗമാണ്....
അതായത് അല്ലാഹു.....
അല്ലാഹുവിന് മാനുഷിക രൂപം സങ്കല്‍പ്പം കൊടുക്കുനനവര്‍ക്ക എന്ത്  മനസ്സിലാകാന്‍....
സൃഷ്ടി നടത്തുനനവന്‍ സൃഷ്ടാവ്...തന്നെ.....

യെശു അല്ലാഹുവിന്റെ ഭാഗം ആണ് പോലും
(Naoodubillah)
ദൈവത്തിന്റെ ഓരോ സ്പെയർ പാർട്സ്
ഇങ്ങനെ പല ഇടത്തായി കറങ്ങി നടക്കുകയാണോ?
കുരിശിൽ മരിക്കാനും ഗർഭ പത്രത്തിൽ പിറക്കാനും
അമ്മയുടെ മുലപാൽ കുടിക്കാനും വിസർജനം നടത്താനും പറ്റുന്ന പാകത്തിൽ ദൈവത്തിന്റെ
അംശങ്ങൾ/ഭാഗങ്ങൾ ഇറങ്ങി വരിക.
അത്തരത്തിൽ ദൈവത്തെ വിഘടിപ്പിച്ചു ഇത്രയും 
അലം കോലം ആക്കി വിശ്വസിക്കുന്ന നിങ്ങൾ ആണ് അത്രേ ദൈവത്തെ മനസ്സിൽ ആക്കിയത്
ഞങ്ങൾ ആണ് അത്രേ ദൈവത്തിന് മാനുഷിക രൂപം
സങ്കല്പിച്ചത്. വിചിത്രം ആയിരിക്കുന്നു.

യേശുവിനു ദൈവം അനേകം അടയാളങ്ങൾ നൽകിയിട്ടുണ്ട്. അത് പോലെ മറ്റു പ്രവാചകർക്കും നൽകിയിട്ടുണ്ട്
എസകിയേൽ  പ്രവാചകനിലൂടെ
ദൈവം മനുഷ്യ സൃഷ്ടിപ്പു നടത്തുന്നു
എന്ത് കൊണ്ട് യേശുവിനെ കൊണ്ട് നടത്തിയില്ല?
പക്ഷി ആണോ മനുഷ്യൻ ആണോ വലുത് എന്ന് തത്കാലം ചോദിക്കുന്നില്ല. മോശെയുടെ വടി ജീവൻ
ഉള്ള സർപ്പം ആയി മാറി.
എന്തെ? യേശുവിന്റെ  ആയില്ല?
ജോഷുവ പ്രവാചകൻ
ഒരു രാത്രിയും പകലും സൂര്യനെ പിടിച്ചു നിർത്തി
(Joshua 10:30) 
എന്തെ? യേശുവിനു പറ്റിയില്ല ?

ഇങ്ങനെ ഓരോ പ്രവാചകന്റെയും Individual
അടയാളങ്ങൾ എടുത്തു വിളിച്ചു പറഞാൽ മതിയോ?
യേശു ദൈവതിന്റെ ഭാഗം ആണ് പോലും
ഒരിക്കൽ കൂടി വായിക്കുക:

(2 Kings 13:20-21)
എലിശ മരിച്ചു. അവർ അവനെ സംസ്കരിച്ചു.
വസന്ത കാലത്തു മോവാബിയർ കൂട്ടമായി വന്നു ദേശം ആക്രമിച്ചു.
ഒരുവനെ സംസ്കരിക്കാൻ കൊണ്ട് പോകുമ്പോൾ അക്രമി സംഘത്തെ കണ്ടു അവർ ജഡം
എലീശായുടെ കല്ലറയിൽ എറിഞ്ഞു.
എലിശയുടെ അസ്ഥികകളെ സ്പർശിച്ചപ്പോൾ ജഡം ജീവൻ പ്രാപിച്ചു എഴുന്നേറ്റു.

മരിച്ചു കല്ലറയിൽ അടക്കിയ എലിശ പ്രവാചകൻന്റെ
അസ്ഥിയിൽ സ്പര്ശിച്ച മറ്റൊരു ശവ ശരീരതിന്
ജീവൻ നൽകപ്പെട്ടു.അപ്പോൾ 
യഥാർത്ഥത്തിൽ ദൈവത്തിന്റെ ഭാഗം ആകേണ്ടത് 
എലിശ അലേ ? മരിച്ച ശേഷം പോലും 
അദ്ദേഹത്തിന്റെ എല്ലുകൾക് പോലും 
ദിവ്യ ശക്തി ആണ്.  യേശുവിനെയും 3 ദിവസം
കല്ലറയിൽ കൊണ്ട് പോയി അടക്കി എന്ന് അല്ലെ നിങ്ങളുടെ വിശ്വാസം?
ഇത് പോലെ ആർക്കേലും ജീവൻ കിട്ടിയോ
യേശുവിന്റെ ശരീരം വഴി? എന്ന് കരുതി എലിശ നിങ്ങളുടെ ദൈവം ആകുമോ?
ഇത്തരം ദുർബല വാദങ്ങൾ ഉപേക്ഷിച്ചു
ചിന്തിക്കുക. മനുഷ്യ ദൈവങ്ങളെ കൈ വെടിഞ്ഞു ഏക ദൈവാരാധനയിലേക്ക് വരുവിൻ.