ജിഹാദും ഐഎസ് ദുർവ്യാഖ്യാനങ്ങളും (Part 2

                                      

                                             By :
                              Musthafa Thanveer 

ഇസ്ലാമിക്  സ്റ്റേറ്റ്  അധവാ ISIS എന്ന് പറയുന്ന ഭീകര പ്രസ്ഥാനം കേരളത്തിലേക്ക് പാലം പണിയുന്നതിന്റെ അപകടകരമായ സൂചനകള് പുറത്ത് വന്നു കൊണ്ടിരിക്കുന്ന സന്ദര്‍ഭത്തില്‍... അവരുടെ മതവ്യാഖ്യാനം ! ആ മതവ്യാഖ്യാനം ഇസ്ലാമികമായി യാതൊരുവിധ സാധൂകരണവും ഇല്ലാത്തതാണ് എന്ന് വ്യക്തമാക്കാൻ വേണ്ടിയുള്ള വൈജ്ഞാനികമായ ചർച്ചകള് തീര്‍ച്ചയായും ആവശ്യം ആണ്. 

നമ്മള് മനസ്സില്‍ ആക്കേണ്ട കാര്യം .. ISLAMIC STATE എന്ന് പറയുന്ന ഇവരുടെ പേരില്‍ തന്നെയുള്ള സൂചനകള്... ആ സൂചനകള് ഒന്നും തന്നെ ഇസ്ലാമിന് നിരക്കുന്നതല്ല. 

IS ന്റെ അടിസ്ഥാനപരമായ വാദം ... ഇസ്ലാമിക രാഷ്ട്രത്തിൽ മാത്രമേ മുസ്ലീങ്ങള്‍ക് പൂർണ്ണ മുസ്ലിം ആയി ജീവിക്കാന്‍ കഴിയൂ എന്നും 

ഇസ്ലാമികേതര രാഷ്ട്രങ്ങളിൽ അച്ചടക്കമുള്ള പൌരൻമാരായി 

ജീവിക്കുന്നത് ശിർക്കും കുഫ്റും ആണെന്നും ഇസ്ലാമികേതര 

രാഷ്ട്ര സംവിധാനങ്ങളെ അട്ടിമറിച്ച് ഇസ്ലാമിക രാഷ്ട്രം ഉണ്ടാക്കലാണ് ജിഹാദിന്റെ അർഥം എന്നും 

ലോകത്ത് എല്ലാ ഇസ്ലാമികേതര രാഷ്ട്ര സംവിധാനങ്ങളെയും ഉണ്ടാക്കി 

ഒരു അഖില ലോക ഇസ്ലാമിക രാഷ്ട്രം ഉണ്ടാാക്കാന്‍ ഉള്ള ശ്രമങ്ങള്‍ 

ആണ് നടത്തേണ്ടത് എന്നും ആണ് ! 

ISLAMIC STATE ന്റെ അധവാ ISIS ന്റെ  സാഹിത്യങ്ങളും പ്രഭാഷണങ്ങളും 

വീഡിയോ ചിത്രീകരണങ്ങളും എല്ലാം നമ്മോട് പറയുന്നത് ഇവ എല്ലാം

ഇസ്ലാമിന് അന്യമായ ആശയങ്ങള്‍ ആണ്. 

ഏതെങ്കിലും ഒരു പ്രദേശത്ത് മുസ്ലിം സമൂഹത്തിന് സ്വയം ഭരണയാവകാശം 

ഉണ്ടെങ്കില്‍ അധികാരം ഉണ്ട് എങ്കില്‍ ഇസ്ലാമിക ശരീഅത്ത് നടപ്പാക്കാന്‍ 

ഉള്ള സൌകര്യം ഉണ്ട് എങ്കില്‍ ഭരണ രംഗത്ത് അവർ 

ഇസ്ലാമിക ശരീഅത്ത് പിന്തുടരണം എന്ന് അല്ലാതെ  

ഈ പറയുന്ന തരത്തില്‍ ഉള്ള സങ്കല്‍പ്പങ്ങള്  ഒന്നും ഇസ്ലാമിക രാഷ്ട്രം എന്ന ആശയമായി ബന്ധപ്പെട്ട് ഇസ്ലാം പങ്ക് വെക്കുന്നില്ല. 

പ്രവാചകൻമാരിൽ ബഹുഭൂരിപക്ഷവും ജീവിച്ചത് ഇസ്ലാമികേതര രാഷ്ട്ര സംവിധാനങ്ങളിൽ ആണ്!  ആ ഇസ്ലാമികേതര രാഷ്ട്ര സംവിധാനങ്ങളിൽ 

ഇസ്ലാമികേതരമായ നിയമ വ്യവസ്ഥക്ക് വിധേയമായി ജീവിക്കുന്നത് 

ശിർക്ക് ആണെന്നോ കുഫ്റ് ആണെന്നോ അവർ ആരും മനസ്സിലാാക്കിയിട്ടില്ല. 

അല്ലാഹുവിനെ മാത്രം ആരാധിക്കണം എന്ന് ഉദ്ബോധിപ്പിച്ച പ്രവാചകൻമാർ 

ഒന്നും ഇസ്ലാമികേതര ഭരണകൂടങ്ങളെ അനുസരിക്കുന്നത് 

ബഹുദൈവാരാധന ആണെന്ന്  പഠിപ്പിക്കുകയോ സൂചിപ്പിക്കുകയോ 

ചെയ്തിട്ടില്ല ഒരിക്കലും . മറിച്ച് എല്ലാ പൌരൻമാരെയും എല്ലാ പ്രജകളെയും പോലെ അവരെല്ലാവരും ഇസ്ലാമികേതര രാഷ്ട്ര സംവിധാനങ്ങളിൽ അച്ചടക്കം 

ഉള്ള പൌര ജീവിതം നയിക്കുകയായിരുന്നു. 

മുഹമ്മദ്‌  റസൂലുല്ലാഹി (S) യും  അങ്ങനെ തന്നെയായിരുന്നു ! 

മെക്കയിൽ മുഹമ്മദ് നബി(S) ജീവിച്ചതും അബ്സീനിയയിൽ പ്രവാചക ശിഷ്യൻമാർ ജീവിച്ചതും പ്രവാചകന്റെ കാല ശേഷം ലോകത്തിന്റെ വ്യത്യസ്ത ഭാഗങ്ങളിലേക്ക് കടന്നു പോയ സഹാബിമാർ ജീവിച്ചതും എല്ലാം 

അങ്ങനെ തന്നെ ആയിരുന്നു ! 

അബ്സീനിയയിലേക്ക് പ്രവാചക ശിഷ്യൻമാർ ഹിജ്റ പോയപ്പോള്‍ 

അത് സംബന്ധിച്ച് നമ്മള്‍ ഓർക്കേണ്ട ഒരു കാര്യം ഉണ്ട് : 

ആ ഹിജ്റ പോയവരുടെ കൂട്ടത്തില്‍ വളരെ പ്രമുഖനായ വ്യക്തിത്വം 

ആയിരുന്നു മഹാനായ  ജഅ്ഫർ ഇബ്നു അബീ താലിബ്(R) ! 

പ്രവാചകന്റെ പിതൃവ്യ പുത്രൻ... അബീ താലിബിന്റെ പുത്രൻ ! 

ഈ ജഅ്ഫർ ഇബ്നു അബീ താലിബ്(R) അബ്സീനിയായിൽ തന്നെ ആണ് ജീവിക്കുന്നത്. 

മെദീനയിൽ ഒരു ഇസ്ലാമിക രാഷ്ട്രം ഉണ്ടായ ശേഷവും , മെദീനയിൽ ഒരു ഇസ്ലാമിക രാഷ്ട്രം വളര്‍ന്നു വന്നതിന് ശേഷം .  . . അവിടെ മെക്കയും മെദീനയും തമ്മില്‍ യുദ്ധങ്ങള് ഉണ്ടായതിന് ശേഷം . . . അതിന് എല്ലാം ശേഷവും ജഅ്ഫറും അദ്ദേഹത്തിന്റെ കൂടെയുള്ളവരും അബ്സീനിയയിൽ തന്നെ ജീവിക്കുന്നു !!! 

ഒരു ഇസ്ലാമിക രാഷ്ട്രം ലോകത്ത് നിലവില്‍ വന്നിരിക്കുന്നു : അവിടേക്ക് വേണമെങ്കിൽ പോകാം . എന്നിട്ട് പോലും ഒരു ഇസ്ലാമികേതര രാഷ്ട്ര സംവിധാനത്തിൽ തന്നെ ജീവിതം തുടരുകയാണ് 

ജഅ്ഫർ ഇബ്ന് അബീ താലിബ് (Raliyallahu Anhu) ! 

അവർക്ക് അതില്‍ മതപരമായി യാതൊരു അനൌചിത്യവും തോന്നുന്നില്ല 

അവർ... ആ ഇസ്ലാമികേതര രാഷ്ട്ര സംവിധാനത്തിഋ ജീവിക്കുന്നത് ശിർക് ആണെന്നോ കുഫ്ർ ആണെന്നോ അവർ വിചാരിച്ചിട്ടില്ല ! 

ഖൈബർ യുദ്ധത്തിന് ശേഷം ... മദീനയിൽ പ്രവാചകൻ എത്തി നീണ്ട ഏഴു വർഷങ്ങള് പിന്നിട്ട ശേഷമാണ് യഥാര്‍ത്ഥത്തില്‍ ജഅ്ഫറും സംഘവും മദീനയിലേക്ക് എത്തുന്നത് എന്ന് നമുക്ക് ചരിത്രത്തില്‍ വായിക്കാന്‍ കഴിയും.
(Sahih Al Bukhari, Volume 5, Book 58, Number 216)

(Sahih Al Bukhari,  Volume 5, Book 59, Number 539)

നമ്മള്‍ പലപ്പോഴും ഇന്നത്തെ ഇന്ത്യയുടെ പശ്ചാത്തലത്തില്‍ 

കൊടുമ്പിരി 

കൊള്ളുന്ന ചർച്ചകള് നടക്കുകയാണ്. ആ ചർച്ചകളിൽ 

നിർഭാഗ്യവശാൽ 

പല സുഹൃത്തുക്കളും ഇപ്പോള്‍ പറയാന്‍ ശ്രമിച്ചു കൊണ്ടിരിക്കുന്നത് , ജനാധിപത്യവും മതനിരപേക്ഷതയും അടിത്തറയായ ഇന്ത്യയിലെ 

രാഷ്ട്രീയ ക്രമം... ആ രാഷ്ട്രീയ ക്രമം ശിർക്കും കുഫ്റും കലർന്ന 

രാഷ്ട്രീയ ക്രമം ആണെന്നും ആ രാഷ്ട്രീയ ക്രമത്തിൽ നമ്മള്‍ 

ഭാഗവാക്കായി കൂടാ എന്നും  നമ്മള്‍ രാഷ്ട്രീയമായി ഇന്ത്യയില്‍ 

അധികാര സ്ഥാനങ്ങളിൽ എത്തിക്കൂടാ എന്നും അങ്ങനെ എല്ലാം 

ചെയ്യുന്നത് മതവിരുദ്ധം ആണ് എന്നും എല്ലാം സമർഥിക്കാൻ 

ഉള്ള ശ്രമങ്ങള്‍ നടക്കുന്നു!  ആ ശ്രമങ്ങള്‍ , അത്തരം വാദങ്ങള് ...

അവ ഇസ്ലാമിക് സ്റ്റേറ്റ് (ISIS) പറയുന്നത് ആണെങ്കിലും അല്ലാത്തവർ 

പറയുന്നത് ആണെങ്കിലും അവക്ക് ഒന്നും ഇസ്ലാമിക പ്രമാണങ്ങളുടെ 

പിൻബലം ഇല്ല എന്നതാണ് സത്യം. 

ഒരു ഇസ്ലാമികേതര രാഷ്ട്രത്തിൽ മന്ത്രി ആയി പ്രവര്‍ത്തിച്ച പ്രവാചകനെ 

പറ്റി പറയുന്ന വേദ ഗ്രൻഥം ആണ് പരിശുദ്ധ ഖുറാൻ. 

അവിടെ ... ഈജിപ്തിൽ പ്രവാചകൻ ആയ 

യൂസുഫ് നബി അലൈഹി സലാം ..  ഇസ്ലാമികേതരമായ ഭരണ വ്യവസ്ഥ 

പിന്തുടരുന്ന ആ രാജ്യത്ത്  . .  ഒരു അമുസ്ലിം ഭൂരിപക്ഷ പ്രദേശം ആയ 

ഒരു രാജ്യത്ത് അവിടെയുള്ള രാജാവിനോട് പറഞത്

"കാലജ്അലനീ അലാ ഹസാഇനിൽ അർള്:  ഇന്നീ ഹഫീളുൻ അലീം' 

എന്ന് ആണ്. 

" താങ്കള്‍ ഇവിടെ ഉള്ള ഖജനാവുകളുടെ ചുമതല എന്നെ ഏല്പ്പിക്കുക :

ഞാന്‍ വിവരം ഉള്ള ഒരു സൂക്ഷിപ്പ്കാരൻ ആയിരിക്കും " 

(12 :55) . 

അവിടെ ഖജനാവിന്റെ കൈകാര്യം , ധനകാര്യ വകുപ്പ് അല്ലെങ്കില്‍ ഭക്ഷ്യകാര്യ വകുപ്പ് മന്ത്രി ആയി യൂസഫ് നബി (A) ഒരു അമുസ്ലിം രാജാവിന് കീഴില്‍ ഒരു ഇസ്ലാമികേതര ഭരണക്രമത്തിൽ പ്രവര്‍ത്തിച്ചിട്ടുണ്ട് എങ്കില്‍ ? 

ഇന്ത്യയിലെ മുസ്ലീങ്ങള്‍ക്ക് ഇവിടെയുള്ള രാഷ്ട്രീയ ക്രമത്തിൽ സജീവ രാഷ്ട്രീയ പങ്കാളിത്തവും അധികാര പങ്കാളിത്തവും ഉണ്ടാകുന്നതിന് മതം എതിര് അല്ല 

എന്ന് മാത്രമല്ല അത്  പ്രോത്സാഹിപ്പിക്കുക ആണ് ചെയ്യുന്നത് ! 

ഏതു രാജ്യത്തും ഏതു നിയമ വ്യവസ്ഥക്ക് കീഴില്‍ ജീവിക്കുകയാണെങ്കിലും 

അവിടെ അച്ചടക്കം ഉള്ള പൌര ജീവിതം നയിക്കുകയും ആ നിയമ വ്യവസ്ഥിതിയുടെ ഭാഗം ആകുകയും അവിടെ സജീവമായ രാഷ്ട്രീയ പങ്കാളിത്തം 

ഉണ്ടാക്കുകയും ആണ് മുസ്ലീങ്ങളുടെ ഉത്തരവാദിത്തം എന്ന് അർഥം! 

അധികാരം കയ്യില്‍ കിട്ടിയാല്‍ അല്ലാഹുവിന്റെ നിയമം നടപ്പിലാക്കണം , ഇസ്ലാമിക ശരീഅത് നടപ്പിലാക്കണം. അതിന് അവസരം ഇല്ലാത്ത രാജ്യങ്ങളില്‍ അധികാര സ്ഥാനങ്ങളിൽ ഇരിക്കുന്നത് മതവിരുദ്ധം ആണെന്ന് വിചാരിക്കുന്നവർ 

നേഗസ് രാജാവിന്റെ (നജ്ജാഷി) ചരിത്രം എങ്കിലും വായിച്ചാല്‍ മതി ! 

അബ്സീനിയ ഭരിച്ചിരുന്ന നേഗസ് അധവാ നജ്ജാഷി രാജാവ്‌ , പ്രവാചക ശിഷ്യൻമാർ അബ്സീനിയായിലേക്ക് ഹിജ്റ പോയപ്പോള്‍ അവിടെ ഉണ്ടായിരുന്ന

ക്രൈസ്തവ രാജാവ്‌ , ആ രാജാവ് പിൽക്കാലത്ത് ഇസ്ലാം സ്വീകരിക്കുന്നുണ്ട്. 

അദ്ദേഹം ആ രാജ്യത്തിന്റെ പരമാധികാരിയാണ്. രാജ്യത്തെ രാജാവ്‌ ആണ്! 

എന്നിട്ട് പോലും ... നമ്മള്‍ മനസ്സില്‍ ആക്കണം . . നേഗസ്  , ഒരിക്കലും 

അബ്സീനിയയെ ... എത്യോപ്യയെ ഒരു ഇസ്ലാമിക രാഷ്ട്രം ആയി 

പ്രാഖ്യാപിച്ചിട്ടില്ല. അദ്ദേഹം അവിടെ ഉള്ള ക്രൈസ്തവ ഭരണ സംവിധാനങ്ങളെ 

മാറ്റി ഒരു ഇസ്ലാമിക ഭരണ സംവിധാനം അവിടെ പ്രതിഷ്ഠിച്ചിട്ടില്ല. 

വെറും ഒരു സാധാരണ പൌരൻ അല്ല നേഗസ് ! എത്യോപ്യ എന്ന് പറയുന്ന രാജ്യത്തിന്റെ പരമാധികാരം കയ്യില്‍ ഉള്ള കിരീടവും ചെങ്കോലും ഉള്ള രാജാവ് ആണ്.  ആ രാജാവ് ആണ് ഇസ്ലാം സ്വീകരിക്കുന്നത്. ആ രാജാവ് ആണ് ഇസ്ലാം 

പിന്തുടരുന്നത്. എന്നിട്ട് പോലും രാജാവ് ആയിട്ട് പോലും അദ്ദേഹം എത്യോപ്യയെ 

അബ്സീനിയയെ ഒരു ഇസ്ലാമിക രാഷ്ട്രം ആയി പ്രാഖ്യാപിച്ചിട്ടില്ല. 

നേരത്തെ ഉണ്ടായിരുന്ന വ്യവസ്ഥിതിയും ഭരണവും തന്നെ അദ്ദേഹം തുടര്‍ന്നു! 

അദ്ദേഹത്തിന്റെ മരണ ശേഷം പിൻഗാമികള് ആയ രാജാക്കൻമാർ ആ വ്യവസ്ഥിതിയെ തന്നെ മുന്നോട്ട് കൊണ്ടു പോകുകയും ചെയ്തു ! 

അന്ന് മെദീന ഉണ്ടായിരുന്നു : മെദീനയിലേക്ക് ഹിജ്റ പോയിട്ട് ഇല്ല നേഗസ്! 

അദ്ദേഹം ഒരു ഇസ്ലാമികേതര രാഷ്ട്ര സംവിധാനത്തിൽ തന്നെ ഭരണാധികാരി ആയി തുടര്‍ന്നു. മെദീനയും മെക്കയും തമ്മില്‍ യുദ്ധങ്ങള് ഉണ്ടായി. 

ആ മദീനയുടെ സഖ്യ കക്ഷി ആയി വന്നിട്ട് ഇല്ല അബ്സീനിയ എന്ന് പറയുന്ന 

രാജ്യം. നമ്മള്‍ പറയുന്നത് ഒരു ഇസ്ലാമികേതര ഭരണ സംവിധാനത്തിൽ 

അവിടത്തെ ഏറ്റവും വലിയ ഉന്നത സ്ഥാനത്ത് നേഗസിനെ പോലെയുള്ള ഒരാള്‍ക്ക് ഇസ്ലാമിനേ പൂര്‍ണമായും ഉള്കൊണ്ട് കൊണ്ടു  ജീവിക്കാന്‍ കഴിയും എങ്കില്‍ എല്ലാ കാലത്തും മുസ്ലീങ്ങള്‍ക് അങ്ങനെ തന്നെ ജീവിക്കാന്‍ കഴിയും! 

നേഗസ് മരിച്ച സമയത്ത്  മുഹമ്മദ് നബി (S) തന്റെ ശിഷ്യൻമാരോട് 

പറഞ്ഞത്  

അയൽ നാട്ടില്‍ അദ്ദേഹം മരിച്ചതിനാൽ ,  സ്വാലിഹ് ആയ സദ്വൃത്തൻ 

ആയ വിശ്വാസി ആയ നമ്മുടെ സഹോദരൻ മരണപ്പെട്ടതിനാൽ നമ്മള്‍ അദ്ദേഹത്തിന് വേണ്ടി ഇവിടെ ജനാസ നിസ്കരിക്കുന്നു' 

എന്ന് ആണ്.
(Sahih Muslim, Book 4, Number 2083)
(Sahih Al Bukhari, Volume 5, Book 58, Number 220)

മുന്നില്‍ മൃതദേഹം ഇല്ലാതെ പ്രവാചകൻ (S) വേറേ മയ്യത്ത് നമസ്കാരങ്ങള് ഏതെങ്കിലും നടത്തിയതായി ഉദ്ദരിക്കപ്പെട്ടിട്ടില്ല. 

അവിടെ ആ  നേഗസ് രാജാവ്‌ മരണപ്പെട്ടപ്പോള് പ്രവാചകൻ പറഞത് 

സദ്വൃത്തനും നമ്മുടെ സഹോദരൻ എന്നുമാണ്. അത് അല്ലാതെ... 

ഒരു താഗൂത്തീ ഭരണ വ്യവസ്ഥയിൽ അതിന്റെ പരമാധികാര സ്ഥാനത്ത് 

ഇരുന്ന അത് വിട്ട് എറിയാൻ കൂട്ടാക്കാതെ ഇരുന്ന ഇസ്ലാമിക രാഷ്ട്രത്തിലേക്ക് 

പലായനം ചെയ്യാതെ ഇരുന്ന ഒരു നിഷേധി എന്ന് അല്ല പ്രവാചകൻ അദ്ദേഹത്തെ 

വിളിച്ചത് ! 

അതിനാല്‍ ഇസ്ലാമിക് സ്റ്റേറ്റ് എന്ന് പറയുന്ന ഭീകര പ്രസ്ഥാനം അതിന്റെ 

PROPAGANDA MACHINES കളിലൂടെ പ്രസരിപ്പിച്ച് കൊണ്ടിരിക്കുന്ന ഈ ഇസ്ലാമിക രാഷ്ട്ര വാദത്തിന്റെയും പലായനത്തിന്റെയും അട്ടിമറികളുടെയും എല്ലാം ആശയങ്ങള്‍ , ആ ആശയങ്ങള്‍ക് ഇസ്ലാമിക ചരിത്രവുമായി യാതൊരു ബന്ധവും ഇല്ല!  അമുസ്ലിങ്ങളോട് (NON MUSLIMS) ഉള്ള ഭീകരമായ വിദ്വേഷത്തിന്റെ ആശയങ്ങള്‍, ആ ആശയങ്ങള്‍ക് ഇസ്ലാമുമായോ ഇസ്ലാമിന്റെ ചരിത്രവും ആയോ യാതൊരു ബന്ധവും ഇല്ല. 

തായിഫിൽ നിന്നും കല്ലേറുകള് കൊണ്ടു മക്കയിലേക്ക് മടങ്ങിയ പ്രവാചകൻ റസൂലുല്ലാഹി സല്ലല്ലാഹു അലൈഹി വസല്ലമക്ക് അഭയം നല്‍കിയത് പോലും 

മുതിം ഇബ്നു അഥിയ്യ് എന്ന് പറയുന്ന അവിശ്വാസിയായിരുന്നു എന്നും അദ്ദേഹത്തിന്റെ അഭയത്തിന്റെ തണുപ്പിലും തണലിലും ആണ് റസൂല് ('S) ആ അതിപ്രയാസകരമായ സംഭവങ്ങള്‍ക്ക് ശേഷം മെക്കയിൽ ജീവിച്ചത് എന്നും 

എല്ലാം പറയുമ്പോള്‍ എത്ര ഊഷ്മളമായ ഗാഢ ബന്ധങ്ങള് ആണ് പ്രവാചകന് അവരുമായി ഉണ്ടായിരുന്നത് എന്ന കാര്യം വളരെ വ്യക്തം ആണ്! 

നാം നമ്മുടെ നാട്ടില്‍ ഉള്ള മുതിം ഇബ്നു അഥിയ്യുമാരെ , 

നാം നമ്മുടെ നാട്ടില്‍ ഉള്ള അബൂ താലിബ്മാരെ , 

നാം നമ്മുടെ നാട്ടില്‍ ഉള്ള  അബ്ദുല്ലാഹിബ്നു ഉറൈകിത്-മാരെ , 

നാം നമ്മുടെ നാട്ടില്‍ ഉള്ള  ഇബ്നു ദുഖിന്നമാരെ 

അവരെ മറക്കാതിരിക്കുക. അവരുടെ കൈ കോർത്ത് പിടിച്ചു 

നൂറ്റാണ്ടുകളുടെ സഹവർത്തിത്തത്തിന്റെ സംസ്കാരം നമ്മള് ഇവിടെ 

പടുത്തുയർത്തിയിട്ടുണ്ട് .  ആ സഹവർത്തിത്വത്തിന്റെ സംസ്കാരത്തിൽ വിള്ളൽ വീഴ്ത്താൻ ആരെയും അനുവദിക്കാതിരിക്കുക. ഇവിടെ .. കേരളത്തെ സാമുദായികമായി ധ്രുവീകരിക്കുക എന്ന ദൌത്യം വളരെ സുന്ദരമായി നടത്തപ്പെടുന്നു ഇത്തരം മൂടിയൊളിപ്പിക്കലുകള് വഴി. ഇത്തരം ഭീകര പ്രസ്ഥാനത്തിന് കേരളത്തില്‍ വേരുകള്‍ വളരുമോ ഇല്ലേ എന്നതിനെക്കാള്‍ നമ്മള്‍ വളരെ ഭയാശനകമായി നോക്കി കാണുന്ന കാര്യം ഇവിടത്തെ ഹിന്ദുക്കള്കും മുസ്ലീങ്ങള്‍കും ഇടയില്‍ വിദ്വേഷവും അകലവും ഒക്കെ ഉണ്ടാക്കാൻ സാമൂഹിക മാധ്യമങ്ങളിലൂടെ ഇത് പ്രചരിപ്പിച്ച് കൊണ്ടു ചില 

നിക്ഷിപ്ത താല്പര്യക്കാരായ ആളുകള്‍ ശ്രമിച്ചു കൊണ്ടിരിക്കുന്നു എന്നതാണ്. 

ഇത് ഇസ്ലാം അല്ല ! ഇത് പ്രവാചകന്റെ പാരമ്പര്യം അല്ല! സഹാബികളുടെ പാരമ്പര്യം അല്ല! ഇത് ഈ ഇരുപത്തിഒന്നാം നൂറ്റാണ്ടില്  ISLAMIC STATE 

എന്ന ഭീകര പ്രസ്ഥാനത്തിന്റെ വാക്താക്കള് പടച്ച് ഉണ്ടാക്കിയ ഒരു വ്യാജ ഇസ്ലാം ആണ്! ഒരു പ്രതി ഇസ്ലാം ആണ്! ഇത് യഥാര്‍ഥ ഇസ്ലാമുമായി യാതൊരു ബന്ധവും ഇല്ല എന്ന് വളരെ കൃത്യമായി വൈജ്ഞാനികമായ പ്രമാണികമായ ബോധ്യത്തിൽ 

തന്നെ നമ്മള്‍ നിലനിർത്തുക. ആ ബോധ്യം സമൂഹത്തിന് പകരുക. അല്ലാഹു സുബ്ഹാനഹു വ തആല അനുഗ്രഹിക്കട്ടെ . . . . ! 

-----------

REFERENCE : 

1. Quran 12:55
2. https://ml.m.wikisource.org/wiki/പരിശുദ്ധ_ഖുർആൻ
3. (Sahih Muslim, Book 4, Number 2083)
4. (Sahih Al Bukhari, Volume 5, Book 58, Number 220)
5. (Sahih Al Bukhari, Volume 5, Book 58, Number 216)
6. (Sahih Al Bukhari,  Volume 5, Book 59, Number 539) 

• Highlights marked in red on the Article excerpt are my own insertions. 
• Illustration - Muslim-Defence